Hoziya 7:11 - EBƆRƐ BE KAWƆL

¹¹ Israɛlebi bee kilgi to nna fanɛ keli nɛ k maŋ nyi asheŋ nna. Baa shile nna a yɔ Ijiptebi nɛ Asiriyaebi kutɔ n ya kaa fin kechɛto naniere!

Hoziya 7:11 Iomraidhean Croise

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

2 Bewura 16:7

Ndoŋ nna nɛ ewura Ahaz ya kule Tiglaf Pilesa nɛ e la Asiriya be efuli so be ewurgboŋ na fanɛ e wora bumo kechɛto. E yɛ: “N la fo kayɛrbi nna, amoso ba mɔlga ma ashi Siriya nɛ Israɛl be bewura nɛ baa kɔ ma kena na be enɔ to.”

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 17:16

Amansherbi be kejija a laŋɛ ewulpo be kekoya so maŋ kɔ tɔnɔ, ŋkpal manɛ so ewulpo maaŋ tiŋ ŋ koya shɛŋ.

Aŋasa 6:32

Enyɛn kama nɛ e bee sha mo braana be beche maŋ kɔ nfɛra nna na. Mo alɛ gbagba be kumu nɛ e baa jija na.

Jɛremaya 2:18

Men ka daŋ yɔ Ijipt nɛ Asiriya be efuliana so n ya nuu elɔrgboŋ nɛ baa tre Nail nɛ Yufreetes be nchu na, manɛ nɛ men daa fɛ fanɛ menyeeŋ nya ashi efuliana na so?

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Hoziya 11:11

Baaŋ shi Ijipt be efuli so m mel abar so m ba fanɛ mbuibi na. Nseŋ shi Asiriya be efuli so m ba fanɛ elɔpo na. Loŋ be saŋɛ na nɛ meeŋ bɛta bumo m ba chena bumo peana. Ma Enyɛnpe Ebɔrɛ na e kaŋɛ na.”

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Hoziya 4:11

Nɛ Enyɛnpe Ebɔrɛ yɛ: “Kasanuu be ga shin nɛ ma basa maŋ naa fɛ nfɛra!

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 5:13

Israɛlebi ka wu alɔ nɛ Judaebi malɛ wu edoro nɛ a wɔ bumo so na, nɛ Israɛlebi ya fin kechɛto ashi Asiriya be efuli so be ewurgboŋ na kutɔ, ama mo alɛ gba maŋ tiŋ n chɛ bumo be alɔ nɛ edoro na.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Obadaya 1:7

Men doŋana beeŋ tintiŋ menyi n yɔ efuli ere so be ekarso cheche, nɛ men teriana e fule menyi nseŋ pɔɔ menyi so. Bumo nɛ baa tu menyi a ji menyi be ajibi naniere beeŋ sho menyi ajigbelɛ, ama menyi alɛ maaŋ pin.”

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.