Hoziya 6:11 - EBƆRƐ BE KAWƆL

¹¹ Ama ŋ kɔ kachɛ nɛ meeŋ gberge menyi Juda be basa bre kusoe, ŋkpal kusɔ nɛ menyee wora na so.”

Hoziya 6:11 Iomraidhean Croise

Job be kawɔl 42:10

Job ka kule Ebɔrɛ n sa mo nekpaana na be kaman, nɛ Enyɛnpe Ebɔrɛ na naŋ shin nɛ e naŋ nya asɔ nɛ e daa kɔ nseŋ paŋ amo na be kekama be ntuŋ anyɔso nseŋ naŋ dii kedama ga n ti so.

Nshɛ 126:1

Enyɛnpe Ebɔrɛ ka daŋ bɛta anyi n shi kenyaya to m ba Jerusalɛm to, k daŋ wora anyi nna fanɛ edare nɛ anyee ku.

Nshɛ 85:1

O Enyɛnpe Ebɔrɛ, fo e nɛfa fo kasawule nseŋ shin nɛ kusɔ kama nite nɛnɛ n sa Israɛlebi nɛ b la Jeekɔb be kaman to ebi na.

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Jɛremaya 51:33

K maaŋ chɛr nɛ bedoŋ na e pɔɔ bumo so nseŋ chichi bumo so m mata kasawule fanɛ kananɛ baa beri ayu kugooro so na. Ma, Enyɛnpetale, Israɛl be Ebɔrɛ na e kaŋɛ na.”

Jowɛl 3:13

B kɔ amu kpakpaso ga nseŋ wora alubi a maa shu basa so. Amoso meeŋ ŋele bumo n lɛ fanɛ aboyu na nseŋ kɔr bumo to fanɛ kananɛ baa kɔr greep be asɔrso to a wora nsa a wɔtɔ kusɔ to nɛ a bee bɔlɔ a wurge na.”

Maika 4:12

Ama efuliana ere maŋ nyi kusɔ nɛ k wɔ Enyɛnpe Ebɔrɛ na be nfɛra to. B maŋ nyi fanɛ b gama abar so nna nɛ kasogberge e ba bumo so fanɛ kananɛ baa bri ayu na.

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Kelaraŋŋini 14:15

Ndoŋ nna nɛ malaika ko malɛ lar ebɔrɛso be bɔrɛlambu na to n tre esa nɛ e daa tase kuwɔlpa na so na awɔrso ŋ kaŋɛ mo le: “Ta fo loji n teŋi asɔ, ŋkpal manɛ so, kasɔteŋi be jemanɛ fo, ŋkpal manɛ so, kasawule be asɔ nɛ baaŋ teŋi na be jemanɛ na fo.”