Hoziya 6:1 - EBƆRƐ BE KAWƆL

¹ Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Hoziya 6:1 Iomraidhean Croise

2 Kronikɛls 30:6

Ewura na nɛ mbe benimuana na daŋ shin nna nɛ mbɔ ta le be kubɔya ere n yɔ Juda nɛ Israɛl be efuli so kikɛ: “Menyi Israɛl be basa nɛ men nya men be amu saŋɛ so nɛ Asiriyaebi daŋ kɔ n sɔ kasawule ere na, e bɛta m ba Enyɛnpe Ebɔrɛ nɛ e la an nananyɛnana Eebraham nɛ Aizek nɛ Jeekɔb be Ebɔrɛ na kutɔ nɛ mo alɛ gba e sɔ menyi.

Job be kawɔl 16:9

Ebɔrɛ nya agbo nna a kɔrfɛ ma kenishipereso, nseŋ ta anishi n yuu ma so a we anyii to yurkishi so.

Job be kawɔl 22:23

Nɛ fo baŋ bɛta m ba Ebɔrɛ kutɔ nseŋ lar alubi to, asheŋ beeŋ nite nɛnɛ n sa fo.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Job be kawɔl 5:18

E beeŋ tiŋ m bar doro nɛ ebesa fo so, ama mo alɛ beeŋ naŋ chɔɔ fo achuu nɛ alɔbi na kikɛ n chɛ amo.

Nshɛ 30:7

Enyɛnpe Ebɔrɛ, fo daŋ wora ma kelela, n sa ma eleŋ fanɛ kebeegboŋ na. Ama fo ka pal kaman n sa ma nɛ kufu pɛ ma ga.

Nshɛ 6:2

Wu ma kuwɔr nseŋ sa ma eleŋ; ŋkpal manɛ so, ma eyur kikɛ chɛl ma nna

Nshɛ 71:20

Fo shin nɛ n ji awurfoŋ damta, ama fo naŋ wɔtɔ ma eleŋ; nseŋ kuŋ ma nɛ m maŋ wu n yɔ nchaŋ to.

Kaŋinichiŋgeliŋ 3:3

Mo e yili luwu nɛ eyur be alenfia be saŋɛ, nseŋ yili keda n lɛ nɛ kepɔr be saŋɛ.

Aizaaya 17:7

Loŋ be kachɛ na kaŋ fo, basa beeŋ bɛta n yɔ bumo be etopo nɛ e la Israɛl be Ebɔrɛ cheembi na kutɔ n ya fin kechɛto.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 30:12

Kede be kaman nɛ Enyɛnpe Ebɔrɛ na kaŋɛ mbe basa le: “Men be edoro maa tiŋ a chɛ, nɛ men be piira gba maa tiŋ a chɛ.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 33:5

‘Basa na be beko beeŋ kɔ Babilɔn be benapo na nɛ benapo na e mɔ basa nɛ n nya agbo ga n wɔtɔ na n nase mboŋ nɛ nwuana na daa yil na. Ma alɛ beeŋ ta ma anishi ŋ ŋana kadegboŋ ere so ŋkpal asheŋ lubi nɛ kumo to be basa wora so.

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Jɛremaya 50:4

Nɛ Enyɛnpe Ebɔrɛ na kaŋɛ: “Jemanɛ na kaŋ fo, Israɛl nɛ Juda be basa kikɛ beeŋ cha abar n shu anishichubi. Kumo be kaman nɛ b bɛta m ba bumo be kasawule so m ba bunyaŋ ma.

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Nfabel 3:11

Ŋ ka fo mo nɛ e tɛ n yuu ma so, ŋ gberge ma n lar ekpa so n ya kpɛa ma to wurwurbi n lɛ nseŋ choŋ.

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Hoziya 12:6

Amoso menyi Jeekɔb be kanaŋ to ebi, men yirda menyi be Ebɔrɛ nseŋ bɛta m ba mo kutɔ. Men ta kasha nɛ kashenteŋji a jo menyi be Ebɔrɛ na kanyitiso nɛ e ba kɔ n sa menyi.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Levitikɔs 14:48

Ama bɔrɛmatapo na ka naŋ ya keni laŋ na jemanɛ nɛ b lɔŋɛ kumo n la na, n wu fanɛ kapuu na maŋ naŋ lar egbal na so, e beeŋ shin nɛ ekama e pin fanɛ k walɛ so daŋkare be ekpa so, ŋkpal manɛ so, kapuu na maŋ naa wɔ laŋ na to.

Zefanaiya 2:1

Kanishinyɔrpaŋ be efuli be basa ere, men ba abar so

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

1 Samuɛl 2:6

Fo Enyɛnpe Ebɔrɛ na e naa sa basa ŋkpa, nseŋ naa tiŋ a sɔ kumo; fo e naa shin nɛ basa bee yɔ nchaŋ to nseŋ naa tiŋ a bɛta bumo a ba ŋkpa to.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”