Hoziya 5:7 - EBƆRƐ BE KAWƆL

⁷ B maŋ naa ji kashenteŋ a sa Enyɛnpe Ebɔrɛ na. Bumo nɛ esakaleche e kurge mbia. Ŋkpal loŋ so bumo nɛ bumo be ndɔana kikɛ beeŋ mur kachɛ nɛ baaŋ ji bumo be kufɔl popɔr be kejigboŋ na.

Hoziya 5:7 Iomraidhean Croise

Nshɛ 144:11

Jande kɔ m mɔlga ma alɛ gba ashi befɔ fɛpoana nɛ b maa ji kashenteŋ na be enɔ to.

Nshɛ 144:7

Shi esoso ndoŋ n teŋi fo enɔ to m pɛ ma n chule ashi nchu be kechimbi to n sɔ ma n yige; mɔlga ma ashi efuli pɔtɛ be basa be enɔana to.

Aizaaya 1:14

Ŋ kishi menyi be Kufɔl Popɔr be Nchɛgboŋ nɛ nchɛ cheembiana kikɛ nna. A du fanɛ esulɔ gbɛgbɛso nɛ amo be kesulɔ shin nɛ ŋ gben nna.

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Aizaaya 59:13

An lar fo kaman nseŋ kini fo a maa shuŋ fo. Anyi alɛ kɔrfɛ beko ga nseŋ shile fo. Anyi be nfɛra fɛso gba la kafulesheŋ nna nɛ anyi be mmalga malɛ maŋ la kashenteŋ.

Jɛremaya 3:20

Ama men maŋ ji kashenteŋ n sa ma, fanɛ eche nɛ e maŋ kɔ kashenteŋji n sa mo kul na. Ma, Enyɛnpe Ebɔrɛ e kaŋɛ na”

Jɛremaya 5:11

Ekpa kikɛ so, Israɛl nɛ Juda be basa maŋ ji kashenteŋ n sa ma kuraa. Ma, Enyɛnpe Ebɔrɛ e kaŋɛ na.”

Ezikɛl 12:28

Amoso kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Ma mmalga ere be kekama maaŋ chɛr nseŋ wora m bɔlɔ so. Kusɔ kama nɛ ŋ kaŋɛ beeŋ wora m bɔlɔ so. Ma, Enyɛnpetale Ebɔrɛ e kaŋɛ na.”

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.

Hoziya 2:4

M maaŋ wu mbe mbia kuwɔr ŋkpal b ka la ayurbi so.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.