Hoziya 5:6 - EBƆRƐ BE KAWƆL

⁶ Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Hoziya 5:6 Iomraidhean Croise

Ɛksodɔs 10:9

Nɛ Mosis kaŋɛ mo: “Anyi nɛ anyi be mbia nɛ anyi be mbolpɔ kikɛ e naa yɔ, ŋkpal manɛ so, anyee sha keya wora kejigboŋ nna n sa Enyɛnpe Ebɔrɛ na.”

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Sɔlɔmɔn 5:6

Ŋ ka bugi kukuloŋ na nɛ n jipo maŋ naa wɔtɔ; e tiŋ n yɔ, nɛ k tɔrɔ ma ga. Nɛ ŋ keni a fin mo, ama m maŋ wu mo. Nɛ n tre mo ama m maŋ nu mbe ebɔl.

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Jɛremaya 11:11

Amoso ma, Enyɛnpe Ebɔrɛ na beeŋ shin nɛ b ji awurfoŋ ga. Nɛ b kaa shu a fin ma kechɛto, m maaŋ tuge bumo.

Jɛremaya 11:14

Jɛremaya, sa maŋ kule Ebɔrɛ n sa basa ere ŋko ŋ kule ma fanɛ m mɔlga bumo. Nɛ b kaa ji awurfoŋ nseŋ kule ma, m maaŋ nu bumo be kekule na.”

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 7:4

Men sa maa fule menyi be amu a kaŋɛ fanɛ Sheŋ maaŋ tiŋ n wora anyi, ŋkpal Enyɛnpe Ebɔrɛ na be bɔrɛlambu ka wɔ Jerusalɛm nfe so! Men sa maa fɛ fanɛ bɔrɛlambu ere beeŋ tiŋ m mɔlga menyi.

Nfabel 3:44

K du fanɛ fo ka wɔ awɔlpa be egbal be kaman nna nɛ kabɔrɛkule maaŋ tiŋ m bɔl kumo to n fo fo kutɔ.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 8:6

Nɛ Ebɔrɛ kaŋɛ ma le: “Dimɛdi pibi, fo wu kusɔ nɛ k bee wora nna na. Keni ekishisheŋ nɛ Israɛl be basa ere bee wora nfe, baa ju ma a lar ma bɔrɛlambu to a yɔ kufɔ kufɔ nna na. Ama fo kraa beeŋ wu ekishisheŋ nɛ a chɔ ade gba.”

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Eemɔs 8:12

Basa beeŋ shi kelargato be esoso be kaba so ŋ kilgi to n fin Ebɔrɛ be kamalga n ya fo epeŋilarkpa be kaba so. Baaŋ yɛla kenishi to n yɔ kaplɛkama n ya fin Enyɛnpe Ebɔrɛ be kamalga na, bumo alɛ maaŋ wu kumo.

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Luuk 5:16

Ama e daa tiŋ a yɔ kupuŋ to mo nawule nna n ya kaa kule Ebɔrɛ.

Baru lela nɛ Jɔn kute na 7:34

Menyeeŋ fin ma, ama men maaŋ naŋ wu ma. Kakpa nɛ ma alɛ beeŋ baa wɔ na, menyi alɛ maaŋ tiŋ n yɔ ndoŋ.”