Hoziya 5:14 - EBƆRƐ BE KAWƆL

¹⁴ Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Hoziya 5:14 Iomraidhean Croise

Job be kawɔl 10:16

Kanaŋ kama nɛ m pere kenishi n wora asheŋ gba, fo kraa pete ma nna fanɛ kananɛ ekpampo bee pete buluŋ na, saŋɛ na so feeŋ ŋini ma fo mamachi be yuku na.

Job be kawɔl 10:7

Fo nyi ŋ ka maŋ wora n jija, ama wanɛ e naaŋ tiŋ m malga ŋ kuŋ ma fo kutɔ?

Nshɛ 50:22

Men kplaŋ ma so, amoso men kaŋ kusoe n nu nfe, nɛ mannɛ aloŋ meeŋ mur menyi nɛ esa kama maaŋ chɛ menyi to.

Nshɛ 7:2

Nɛ mannɛ aloŋ baaŋ kpɛa ma to fanɛ buluŋ ka kpɛa kusɔbɔya to na. Esa kama maaŋ tiŋ n sɔ ma ama fo nawule.

Aizaaya 5:29

Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Jɛremaya 25:38

Enyɛnpe Ebɔrɛ na kini mbe basa n lɛ nseŋ kplaŋ bumo so fanɛ kananɛ buluŋ bee kini kebeelaŋ nɛ k bee di to a lɛ nsaa shile a ka kumo na. Kufugboŋ nɛ k bee tɔr basa so ŋkpal kena so na nɛ Enyɛnpe Ebɔrɛ na be agbo nɛ k bee suse fanɛ edɛ na e shin nɛ efuli na ki fanɛ keshishɛrsawule a dese.

Nfabel 3:10

E daa du fanɛ kutuŋ ŋko buluŋ nɛ e daŋ ŋana m pugi a jo ma nɛ m ba nɛ e tɛ n yuu ma so nna.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 2:12

Meeŋ mur mbe asɔrso nɛ baa tre greep nɛ figi be ndibi be ndɔ nɛ e yɛ mo jipoana ta n sa mo fanɛ mbe kakɔka na. Meeŋ shin nɛ mbe asɔrso nɛ baa tre greep na be adɔbi nɛ mbe figi be ndibi be adɔ na kikɛ e ki fanɛ kupuŋ; nɛ kupuŋ to be asɔbɔya e jija amo.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Eemɔs 2:14

Basa nɛ baa shile ga gba maaŋ tiŋ n shile n sɔ bumo be amu. Belempo beeŋ paŋ bumo be eleŋ nɛ benapo gba e mɔlga bumo be amu ŋ gben.

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Ditɛronɔmi 28:31

Baaŋ mɔ menyi gbagba be ana m bɛ amo menyi be anishito, ama menyi alɛ maaŋ nya amo be eblaŋ n we. Basa pɔtɛ beeŋ ba kaa kpa menyi be ekurma nɛ mbolpɔ a yɔ nɛ men baa keni, ama esa kikɛ maaŋ baa wɔtɔ nɛ e tintiŋ bumo nɛ b bɛta asɔbɔya na m ba sa menyi.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.