Hoziya 5:13 - EBƆRƐ BE KAWƆL

¹³ Israɛlebi ka wu alɔ nɛ Judaebi malɛ wu edoro nɛ a wɔ bumo so na, nɛ Israɛlebi ya fin kechɛto ashi Asiriya be efuli so be ewurgboŋ na kutɔ, ama mo alɛ gba maŋ tiŋ n chɛ bumo be alɔ nɛ edoro na.

Hoziya 5:13 Iomraidhean Croise

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 16:7

Ndoŋ nna nɛ ewura Ahaz ya kule Tiglaf Pilesa nɛ e la Asiriya be efuli so be ewurgboŋ na fanɛ e wora bumo kechɛto. E yɛ: “N la fo kayɛrbi nna, amoso ba mɔlga ma ashi Siriya nɛ Israɛl be bewura nɛ baa kɔ ma kena na be enɔ to.”

Aizaaya 3:7

Ama amodoŋwura beeŋ kaŋɛ bumo le: “Mannɛ ma ere! M maŋ tiŋ n chɛ menyi to. Ma alɛ gba maŋ kɔ ajibi ŋko asɔbuuso. Men sa maŋ ta ma ŋ ki menyi be ejuŋkparpo!”

Jɛremaya 30:12

Kede be kaman nɛ Enyɛnpe Ebɔrɛ na kaŋɛ mbe basa le: “Men be edoro maa tiŋ a chɛ, nɛ men be piira gba maa tiŋ a chɛ.

Ezikɛl 23:5

Ohola daŋ kra la ma eche nna nsaa ji kesakalea nsaa kɔ kayɛlga lubi n sa mo jipoana nɛ b shi Asiriya be efuli so na.

Hoziya 10:6

Baaŋ ta kegbir na n yɔ Asiriya be efuli so n ya sa ndoŋ be ewurgboŋ na fanɛ bumo be kakɛ. Saŋɛ na so anishinyɔr beeŋ pɛ Israɛl be basa, ŋkpal b ka bɛ agbir so so.

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Hoziya 2:7

E beeŋ shile m bɛ mo jipoana so, ama mo alɛ maaŋ naŋ nya bumo. E beeŋ fin bumo, ama mo alɛ maaŋ wu bumo. Saŋɛ na so nɛ e kaŋɛ le: Meeŋ bɛta n yɔ ma kul dra kutɔ ŋkpal manɛ so ndoŋ be kebaawɔtɔ bɔ kakpa nɛ n wɔ naniere.

Hoziya 7:11

Israɛlebi bee kilgi to nna fanɛ keli nɛ k maŋ nyi asheŋ nna. Baa shile nna a yɔ Ijiptebi nɛ Asiriyaebi kutɔ n ya kaa fin kechɛto naniere!

Hoziya 8:9

Men ki fanɛ kupuŋ to be kurma nɛ kumo gbagba wɔtɔ a kilgi to nna. Men shile n yɔ Asiriyaebi kutɔ nna n ya haya bumo fanɛ b baa kuŋ menyi.

Maika 1:9

Ŋkpal manɛ so, Samɛria jija e shin nɛ k mur cheche nɛ Juda malɛ gba luri loŋ be tɔrɔ na to. Loŋ be tɔrɔ na tiŋ n fo ma basa be mbuna to ashi Jerusalɛm to.”