Hoziya 5:10 - EBƆRƐ BE KAWƆL

¹⁰ Enyɛnpe Ebɔrɛ yɛ: “Ŋkpal Juda be bejuŋkparpoana ka puni Israɛlebi be kasawule so, ma kasogberge beeŋ ba bumo so fanɛ nchu ka bɔlɔ n sɔ kakpa kikɛ na.

Hoziya 5:10 Iomraidhean Croise

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Nshɛ 69:24

Shin nɛ b pin fo ka nya agbo ga, nseŋ shin nɛ fo agbo e ba bumo so.

Nshɛ 88:17

Karechɛ kikɛ a kulti ma n wɔtɔ kaba kama so nna.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 22:28

Sa maa lɔŋɛ fo nɛ basa be egbaŋ to be kedulgijembu dra nɛ fo nananyɛnana yuu na a yuu.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Ezikɛl 22:22

Kananɛ gbiti bee ŋalga edɛ to na nɛ bumo alɛ gba beeŋ ji awurfoŋ Jerusalɛm to. Aloŋ nɛ baaŋ pin fanɛ ma, Enyɛnpe Ebɔrɛ na e nya agbo a gberge bumo kusoe na.”

Ezikɛl 7:8

Meeŋ shin nɛ ma agbogboŋ e ba menyi so nɛ n ji menyi demu ŋkpal menyi be eda lubi so nseŋ gberge menyi kusoe ŋkpal menyi be aworbi lubi nɛ ŋ kishi na so.

Matiu 7:27

E ka pɔr n loge nɛ afugboŋ ber ebu na so eleŋso ga nɛ bɔrɛ ba ga n to chuful kaplɛkama, nɛ k tɔr. Kumo be ketɔr na daŋ lubi ga.

Luuk 6:49

Ama esa nɛ e bee nu ma mmalga a maa bɛ amo so du fanɛ esa nɛ e maŋ tɔl mbe ebu be kifi nseŋ pɔr kumo n yili nna. Nchu ka bɔlɔ kakpa m ba ber ebu na nɛ k tɔr epul to. Kumo be ketɔr na daŋ lubi ga.”

Ditɛronɔmi 19:14

Ekama be kapetɛsawule kɔ egbaŋ to be ndulgijembu nna a ŋini kumo be ekar ashi kasawule nɛ Enyɛnpe Ebɔrɛ na bee sa menyi na so. Amoso men sa maŋ kaa firgi men braana be ndulgijembu.

Ditɛronɔmi 27:17

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ lɔŋɛ mo barkasa be kasawule be egbaŋ to be kejembu n yuu a fin kepuni mo so.” Nɛ basa nɛ b yil Ebal be kebee so na e kaŋɛ: ‘Amɛn!’