Hoziya 4:7 - EBƆRƐ BE KAWƆL

⁷ Kananɛ bɔrɛmatapoana na bee wora kishi a ti so, loŋ koŋwule nɛ baa wora alubi a gbiti ma a ti so. Ŋkpal loŋ so, meeŋ shin nɛ men be kemaŋkura nɛ men kɔ na e ki anishinyɔr n sa menyi.

Hoziya 4:7 Iomraidhean Croise

Ɛzra 9:7

Baŋ yili an nananyɛnana be jemanɛ so m ba fo kabre, anyi be alubi baa shi ga nna. Ŋkpal alubi na so, anyi nɛ anyi be bewura nɛ anyi be bɔrɛmatapoana kikɛ ki anya nna n sa efuli pɔtɛ so ebi nɛ baa mɔ anyi nsaa suge anyi be asɔ nseŋ naa pɛ anyi a yɔ kenyaya to. K shin nɛ an ji anishinyɔr ga nseŋ kra ji kumo kabre.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Hoziya 10:6

Baaŋ ta kegbir na n yɔ Asiriya be efuli so n ya sa ndoŋ be ewurgboŋ na fanɛ bumo be kakɛ. Saŋɛ na so anishinyɔr beeŋ pɛ Israɛl be basa, ŋkpal b ka bɛ agbir so so.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 4:10

Menyee ji ajibi ga, ama menyi alɛ maa moɛ kikɛ. Menyee yɔ agbir to n ya kaa fin mbia, ama menyi alɛ maa nya bumo kikɛ. Ŋkpal manɛ so, men kini ma nna nseŋ ya kaa bɛ agbir so.”

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Hoziya 6:9

Bɔrɛmatapoana ki fanɛ besugepo nɛ baa pugi kupuŋ to a jo basa a suge bumo be asɔ nna. Baa mɔ basa Shɛkɛm gba be ekpa to. Bumo alɛ bee kute nna a shuŋ le be ashuŋ lubi ere!

Hoziya 9:11

Amoso Israɛlebi be kemaŋkura beeŋ shile bumo so fanɛ kabuibi ka firgi n choŋ na. Bumo be beche gba maaŋ naŋ tiŋ n da adampu ŋ kurge mbia n sa bumo.

Habakuk 2:16

Aloŋ nɛ menyi alɛ gba be kemaŋkura beeŋ ki ŋaba n sa menyi. Men gbagba beeŋ nuu nsa m boo m baŋ so a nite a jante. Enyɛnpe Ebɔrɛ na e naŋ shin nɛ men ki basa booso a delgeso a nite basa to nɛ menyi be bunyaŋ e ki anishinyɔr.

Malakai 2:9

“Amoso nɛ n shin nɛ Israɛl be basa kplaŋ menyi so ŋkpal men ka maa wora ma kasonu, nsaa kpɛa to a ŋini ma basa asheŋ so na.”

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.