Hoziya 4:2 - EBƆRƐ BE KAWƆL

² Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 4:2 Iomraidhean Croise

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 48:1

Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Jɛremaya 6:7

Kananɛ ketirbu bee bul nchu na, aloŋ nɛ kulubi bee bul ashi Jerusalɛm to. Mee nu basa ka ta akɔsɔ a kɔ abar nseŋ naŋ nu kemur be asheŋ. N wu basa nɛ b doro na ka dese kaplɛkama ashi kadegboŋ na to.

Nfabel 4:13

Ama loŋ daŋ wora nna ŋkpal Jerusalɛm to be anebiana nɛ bɔrɛmatapoana na ka daŋ wora alubi nseŋ shin nɛ b mɔ basa nɛ b maŋ wora shɛŋ na so.

Ezikɛl 7:23

“Basa be kamɔ nɛ keta akɔsɔ a kɔ a fin kusɔ nɛ esa bee sha tintiŋ so sɔ efuli na be kaplɛkama nna.

Hoziya 10:13

Ama men duu kulubi nseŋ nya kumo be kakɔka. Men ji menyi be kafule be tɔnɔ. Ŋkpal men ka ta men be yirda n deŋi menyi gbagba be eleŋ nɛ benapo damta nɛ men kɔ na so,

Hoziya 10:4

Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.

Hoziya 11:12

Enyɛnpe Ebɔrɛ yɛ: “Israɛl be basa ta efɛ nɛ kafule nna ŋ kulti ma, nɛ Juda malɛ be basa kini kenu n sa ma nɛ n la kashenteŋ be Ebɔrɛ nsaa du cheembi na.

Hoziya 12:14

Israɛl be basa shin nɛ Enyɛnpe Ebɔrɛ na nya agbo alegaiso. B daŋ daga luwu gba nna ŋkpal bumo be alubi so. Enyɛnpe Ebɔrɛ na malɛ beeŋ gberge bumo kusoe ŋkpal anishinyɔr nɛ b ta n ji mo na so.

Hoziya 5:2

Men ki fanɛ kejamaŋ chiŋgeliŋ nɛ basa bee tɔr to nna ashi kakpa nɛ baa bunyaŋ Ebɔrɛ na nna. Ma alɛ beeŋ gberge menyi kikɛ kusoe.

Hoziya 6:8

Giliad la kadegboŋ nɛ basa lubi nɛ bemɔpo wɔ nna.

Hoziya 6:9

Bɔrɛmatapoana ki fanɛ besugepo nɛ baa pugi kupuŋ to a jo basa a suge bumo be asɔ nna. Baa mɔ basa Shɛkɛm gba be ekpa to. Bumo alɛ bee kute nna a shuŋ le be ashuŋ lubi ere!

Hoziya 7:1

Saŋkama nɛ m baa sha keta ma basa nɛ b wɔ Israɛl be efuli so nɛ Samɛria be kade to be alubi m paŋ bumo nseŋ nɛfa bumo, kusɔ nɛ mee wu bumo to e la asheŋ lubi. B wɔtɔ nna a puni abar, nsaa bure elaŋana a luri to a yuri nsaa suge basa be asɔ ashi ekpaana to.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Hoziya 7:4

B la basa nɛ esa maaŋ tiŋ n yirda nna nɛ bumo be yurkishi du fanɛ ebu nɛ baa tɔ bodobodo kumo to na be edɛ nɛ b baga amo to nɛ a suse yeŋyeŋyeŋ na.

Maika 3:2

ama men kishi alela be kebaa wora nna nsaa sha alubi be kebaa wora. Men wɔtɔ nna a debɔr ma basa nsaa jija bumo be atre fanɛ kananɛ baa luu kusɔbɔya be kawɔl nsaa marga kumo be eblaŋ ashi awibi so na.

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Maika 6:10

Kayu be asɔ nɛ men ta m bɔlɔ ebuana n yili nseŋ ta kapuni be ekurwa nɛ ŋ kishi amo be asheŋ ga na a ber asɔ.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Zefanaiya 3:1

Asheŋ maaŋ nyalɛ n sa Jerusalɛm be kadegboŋ na, ŋkpal k ka la kapuni nɛ kasuge nɛ kɔrfɛ nɛ kakpa nɛ b kini Ebɔrɛ na so.

Zakareya 5:3

Ndoŋ nna nɛ malaika na kaŋɛ ma: “B sibɛ kɔnɔsho nɛ k beeŋ ba durnya be kasawule so kikɛ nna n wɔtɔ kumo to. Kawɔl sibɛso na be kaba ko so bee kute kananɛ baaŋ lara eyu kikɛ ashi kasawule so nna, nɛ kaba nyɔsopo malɛ bee kute kananɛ baaŋ ju esa kama nɛ e bee bɔ ntaŋ a ku efɛ be asheŋ nna.

Zakareya 7:9

E yɛ: “Dra dra na kikɛ nɛ n ta atande ere n sa ma basa ŋ kaŋɛ bumo le: ‘Men baa wora asheŋ nɛ amo be ekpa so, men baa la basa nsaa wora kelela nsaa wu abar kuwɔr.

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Ditɛronɔmi 5:11

Men sa maŋ kaŋ ta ma ketre n wora asheŋ lubi kikɛ, ŋkpal manɛ so, ma Enyɛnpe Ebɔrɛ na beeŋ gberge ekama nɛ e beeŋ ta ma ketre n wora kusɔ nɛ k maŋ daga na kusoe.

Ditɛronɔmi 5:18

Men sa maŋ kaŋ ji kubojua.

Ditɛronɔmi 5:19

Men sa maŋ kaŋ yuri.

1 Tɛsalɔnikaebi 2:15

Juwebi koŋwule na e mɔ Enyɛnpe Yesu nɛ anebiana na nseŋ tɔrɔ anyi alɛ. Bumo be asheŋ maa par Ebɔrɛ kikɛ. Bumo nɛ basa kikɛ malɛ maŋ wɔ ebel.

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.