Hoziya 4:15 - EBƆRƐ BE KAWƆL

¹⁵ “Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Hoziya 4:15 Iomraidhean Croise

2 Kronikɛls 17:4

E daŋ shuŋ mo tuto be Ebɔrɛ nseŋ bɛ Ebɔrɛ be mbra so, a maŋ wora kananɛ Israɛl be bewuraana daŋ wora na.

2 Kronikɛls 21:11

Ewura Jehoram daŋ pɔr agbir be mboŋ ashi Juda be abee be efuli so nna nseŋ shin nɛ Juda nɛ Jerusalɛm be basa wora alubi ŋ gbiti Enyɛnpe Ebɔrɛ.

Aizaaya 48:1

Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Jɛremaya 5:2

Menyee kaŋɛ fanɛ Enyɛnpe Ebɔrɛ na nɛ menyee shuŋ, ama kumo alɛ maŋ shi menyi be ŋgbene to.

Ezikɛl 20:39

Kusɔ nɛ Enyɛnpetale Ebɔrɛ bee kaŋɛ menyi nde: Menyi Israɛlebi, be ekama nɛ e bee sha e ya kaa shuŋ mbe agbirana, ŋkpal manɛ so, ade kikɛ be kaman menyeeŋ ba nu n sa ma nseŋ yige kebaa lara esarga a sa menyi be agbirana a jija ma ketre.

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Hoziya 11:12

Enyɛnpe Ebɔrɛ yɛ: “Israɛl be basa ta efɛ nɛ kafule nna ŋ kulti ma, nɛ Juda malɛ be basa kini kenu n sa ma nɛ n la kashenteŋ be Ebɔrɛ nsaa du cheembi na.

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 12:11

Ade kikɛ be kaman nɛ b kraa shuŋ agbir ashi Giliad. Basa nɛ bumo alɛ bee shuŋ agbir na beeŋ wu. B ta egbolu n lara sarga ashi Gilgaal. Ndoŋ be ebɔrɛsure malɛ beeŋ bure to ŋ ki ajembu n deŋi abar so kululu ashi kupuŋ to.”

Hoziya 12:12

An nananyɛn Jeekɔb daŋ shile nna n yɔ Mɛsopoteemia be efuli so n ya ka keni kanyɛn ko be mbolpɔ so pɔɛŋ nseŋ nya eche.

Hoziya 4:12

Agbir nɛ b ta ndibi n lɔŋɛ na to nɛ baa yɔ n ya kaa bishi so. Akpabi malɛ nɛ baa bɔla so a kaŋɛ bumo asheŋ. B kini ma nseŋ ta bumo be amu n ya sa agbir fanɛ kananɛ eche bee lar mo kul kaman a ji kesakalea na.

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Hoziya 9:15

Enyɛnpe Ebɔrɛ yɛ: “Bumo be asheŋ lubi be kewora fara ashi Gilgaal nna. Ndoŋ nɛ ma alɛ fara n nya kekishi n sa bumo. Ma alɛ beeŋ ju bumo ashi ma kasawule ere so ŋkpal kulubi nɛ b wora na so. Ma kasha maŋ naa wɔ bumo so ŋkpal manɛ so bumo be bejuŋkparpoana kikɛ kini kenu n sa ma.

Eemɔs 4:4

Enyɛnpetale na yɛ: “Menyi Israɛlebi e yɔ Bɛtɛl n ya kaa wora alubi kanaŋkamaso nɛ menyee sha! Men yɔ Gilgaal gba n ya ka wora alubi ndoŋ a ta asɔbɔya a lara sarga kachipurso kikɛ nsaa lara sarga nɛ menyi be kudukudusopo nchɛ asa sa kikɛ.

Eemɔs 5:5

Men sa maŋ kaŋ yɔ Bɛshiba n ya shuŋ kegbir kikɛ. Menyi alɛ e sa maŋ kaa fin ma a yɔ Bɛtɛl ŋkpal manɛ so k maaŋ naa la shɛŋ. Men sa maŋ kaŋ yɔ Gilgaal gba ŋkpal manɛ so bedoŋ beeŋ tintiŋ kumo be basa n yɔ kenyaya to efuli wɔfɔ.”

Eemɔs 6:10

Esa nɛ e wu na mo kurgepo nɛ e la keeliwura na e naŋ ya lara kebuni na kowu. Kumo be kaman nɛ e bishi esa kama nɛ e ka laŋ na to le: “Fo nɛ esa ko e wɔtɔ a? Ndoŋ nna nɛ esa na e kaŋɛ le: ‘M-m!’ ” Kumo be kaman nɛ ekurgepo na e kaŋɛ le: “Men loto! Men shin nɛ an baa de kananɛ anyee ti an Nyɛnpe Ebɔrɛ na be ketre so.”

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Joshuwa 5:9

Ndoŋ nna nɛ Enyɛnpe Ebɔrɛ kaŋɛ Joshuwa le: “Naniere bre n lara kenyaya be anishinyɔr nɛ k daa wɔ menyi so saŋɛ so nɛ men daa wɔ Ijipt be efuli so na.” Amoso nɛ baa tre kakpa nɛ b ku atutu na Gilgaal hale kabre na.

Joshuwa 7:2

Kachako nɛ Joshuwa shuŋi basa ko ashi Jɛriko fanɛ b yɔ Ai nɛ k mata Bɛfavɛn ashi Bɛtɛl be epeŋilarkpa na n ya ŋana n dara kananɛ ndoŋ be kasawule na du.