Hoziya 4:14 - EBƆRƐ BE KAWƆL

¹⁴ Ama m maaŋ kpal loŋ so ŋ gberge bumo kusoe, ŋkpal manɛ so men gbagba bee ya ka sha agbirlambu to be esakaleche nna nɛ menyi nɛ bumo bee lara esarga a sa agbirana na. Ama le nɛ keŋasa ko bee kaŋɛ: ‘Esa nɛ e maŋ nyi asheŋ kikɛ la esa mur so nna.’ ”

Hoziya 4:14 Iomraidhean Croise

1 Bewura 15:12

E daŋ ju esakalenyɛn nɛ esakaleche nɛ baa shuŋ kakpa nɛ nnyamase bee shuŋ agbir na nna nseŋ mur agbir nɛ mo nananyɛnana daŋ lɔŋɛ na kikɛ.

2 Bewura 23:7

E daŋ bure esakalenyɛn be ebuana nɛ a mata bɔrɛlambu na nna. Ndoŋ nɛ beche bee chena a lue ewajɛ nɛ baa ta a buu a shuŋ Ashira be kegbir na.

Aŋasa 28:5

Belubiworapo maŋ nyi kananɛ baa wora asheŋ nɛ amo be ekpa so, mannɛ aloŋ nɛ bumo nɛ baa ŋana Enyɛnpe Ebɔrɛ bre du.

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Danɛl 12:10

Basa damta beeŋ lara alubi ashi bumo be ŋgbene to. Basa lubi bre maa ba nɛ b pin asheŋ to kikɛ, b kraa beeŋ lubi gba n ti so. Ama bekama nɛ b nyi asheŋ bre, beeŋ nya asheŋ be kepinto.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Hoziya 4:17

Agbir be eleŋ kre Israɛlebi na nna, amoso meeŋ kplaŋ bumo so nɛ b baa wora bumo be kepar.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.

Nɔmbɛs 25:3

kegbir nɛ baa tre Baal Piyɔɔ na. Amoso Enyɛnpe Ebɔrɛ daŋ nya agbo alegaiso nna n wɔtɔ bumo

Baru lela nɛ Jɔn kute na 8:43

Men nyi kusɔ nɛ k ba nɛ men maa pin ma mmalga to ere a? Kusɔ nɛ k ba e la fanɛ men maaŋ tiŋ n nu amo.

Romebi 3:11

Esa kikɛ maŋ wɔtɔ a pin asheŋ to, ekama malɛ maŋ naa wɔtɔ a kɔ a fin Ebɔrɛ.

1 Kɔrintebi 6:16

Men maŋ nyi fanɛ esa kama nɛ e ta mbe eyur a wɔtɔ sakaleche to, bumo benyɔ na bee ki eyur koŋwule nna a? Ŋkpal manɛ so, abɔrɛsibɛ na bee kaŋɛ fanɛ: “Enyɛn kama nɛ e ta mbe kaba n wɔtɔ eche to, mo nɛ eche na bee ki kukoŋwule nna.”

Ɛfesesebi 4:18

Alubi tegsi bumo nna n shin nɛ bumo be ŋgbene biri to tuum a maŋ naa pin asheŋ to ŋkpal bumo be ŋgbene kpakpaso nɛ kemaa nyi nɛ k bee ji kuwura bumo so na so. Naniere bumo nɛ ŋkpa nɛ Ebɔrɛ bee sa na barga abar cheche.

Ditɛronɔmi 23:17

Israɛl be kusɔnyɛn ŋko kusɔche kikɛ maŋ daga fanɛ e ki sakale ashi agbirlambu to kikɛ.

Hibruwebi 12:8

Nɛ men la mbia a wɔtɔ nɛ men tuto maa niŋi menyi ekpa kananɛ e bee wora mbe mbia kikɛ, kumo ere men baa nyi fanɛ mannɛ mbe mbia e la menyi na, ayurbi e la menyi na.