Hoziya 4:13 - EBƆRƐ BE KAWƆL

¹³ Abeegboŋ be esoso nɛ baa yɔ n ya ka lara bumo be esarga nsaa chɔɔ eduwu malɛ abeebi so ashi ndibi tenteŋ nɛ a purge ga a kɔ kiyoyul na be afito. Ŋkpal loŋ so nɛ menyi be mbichesobi bee ji kesakalea na, nɛ men shacheana malɛ bee lar bumo kulana be mman a sha benyɛn pɔtɛ.

Hoziya 4:13 Iomraidhean Croise

2 Bewura 17:7

B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ nɛ e mɔlga bumo ashi Ijiptebi be enɔ to nseŋ lara bumo Ijipt be kasawule so dra dra na nna. B daa shuŋ agbirana nna,

2 Bewura 23:7

E daŋ bure esakalenyɛn be ebuana nɛ a mata bɔrɛlambu na nna. Ndoŋ nɛ beche bee chena a lue ewajɛ nɛ baa ta a buu a shuŋ Ashira be kegbir na.

Aizaaya 1:29

Saŋɛ na so nɛ nyɔmɔ e pɛ menyi nɛ men be ŋgbene e jija menyi ŋkpal men ka daŋ shuŋ ndibi nseŋ lɔŋɛ mboŋ ko a shuŋ agbir ndoŋ so.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Aizaaya 57:7

Menyee yɔ abee jeŋgreŋ so nna n ya kaa lara esarga nsaa di abar keche nɛ kenyɛn ndoŋ.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Ezikɛl 16:16

Fo alɛ lɔŋɛ agbirshuŋkpa nseŋ ta fo asɔbuuso na be ako n lɔŋɛ ndoŋ nsaa keta fo benyɛn a yɔ ndoŋ n ya kaa ji kesakalea. Le be asheŋ daa maŋ daga fanɛ a wora kikɛ.

Ezikɛl 16:25

Kubɔrbi kikɛ ase fo pɔr kegbirshuŋkpa n yili ndoŋ n ya kaa jija fo kela nsaa tu enyɛn kikɛ nɛ e bɔla ndoŋ a choŋ a ŋaba fo kumu.

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Hoziya 11:2

Ama saŋɛ nɛ m pere kenishi a tre bumo na, nɛ bumo alɛ pere kenishi a shile ma. Bumo alɛ maŋ yige sarga be kebaa lara nɛ duwu be kebaa chɔɔ a sa Baal be kegbir na.

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.