Hoziya 4:11 - EBƆRƐ BE KAWƆL

¹¹ Nɛ Enyɛnpe Ebɔrɛ yɛ: “Kasanuu be ga shin nɛ ma basa maŋ naa fɛ nfɛra!

Hoziya 4:11 Iomraidhean Croise

Aŋasa 20:1

Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Aŋasa 31:4

A maŋ daga bewura nɛ bejuŋkparpo ka bee nuu nsa a boo ŋko a sha nsa ga.

Aŋasa 6:32

Enyɛn kama nɛ e bee sha mo braana be beche maŋ kɔ nfɛra nna na. Mo alɛ gbagba be kumu nɛ e baa jija na.

Kaŋinichiŋgeliŋ 7:7

Fo baa kɔ kanyiasheŋ nsaa puni basa, kumo ere fee wora nna fanɛ ewulpo na. Fo baa sɔ brɔbu malɛ, fo da nɛ fee jija na.

Aizaaya 28:7

Anebiana nɛ bɔrɛmatapoana gba boo nna a jante. B nuu yabra nɛ nsa booso ga nna hale nɛ bumo be nfɛra mel to. Anebiana na kaa bee boo ga so, b maŋ naa pin ebɔrɛdare nɛ Ebɔrɛ sa bumo na to. Bɔrɛmatapoana na malɛ gba kaa bee boo ga so, b maŋ naa tiŋ a ji asheŋ nɛ basa bee ta a ba bumo kutɔ nɛnɛ.

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Jɛremaya 23:13

N daŋ wu ekishisheŋ nɛ Samɛria be kadegboŋ na to be anebiana wora. B daa malga a sa basa ashi kegbir nɛ baa tre Baal na be ketre to nna, a shin nɛ ma basa bee foe ekpa.

Hoziya 4:12

Agbir nɛ b ta ndibi n lɔŋɛ na to nɛ baa yɔ n ya kaa bishi so. Akpabi malɛ nɛ baa bɔla so a kaŋɛ bumo asheŋ. B kini ma nseŋ ta bumo be amu n ya sa agbir fanɛ kananɛ eche bee lar mo kul kaman a ji kesakalea na.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.

Hoziya 7:11

Israɛlebi bee kilgi to nna fanɛ keli nɛ k maŋ nyi asheŋ nna. Baa shile nna a yɔ Ijiptebi nɛ Asiriyaebi kutɔ n ya kaa fin kechɛto naniere!

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.