Hoziya 4:10 - EBƆRƐ BE KAWƆL

¹⁰ Menyee ji ajibi ga, ama menyi alɛ maa moɛ kikɛ. Menyee yɔ agbir to n ya kaa fin mbia, ama menyi alɛ maa nya bumo kikɛ. Ŋkpal manɛ so, men kini ma nna nseŋ ya kaa bɛ agbir so.”

Hoziya 4:10 Iomraidhean Croise

2 Kronikɛls 24:17

Ewura Jehowada ka wu na be kaman nɛ Juda be bejuŋkparpoana na ya bunyaŋ ewura Jɔash nseŋ lɔlɔ mo nɛ e bee bɛ bumo be kasotoji so.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Aŋasa 13:25

Basa niŋiso kɔ ajibi saŋkikɛ nna a ji, ama belubiworapo bre nɛ akoŋ e wɔ aya.

Jɛremaya 34:15

Ama menyi ere daŋ wora kusɔ nɛ k par ma. Men kikɛ daŋ shuli so nna fanɛ menyeeŋ yige men braana Israɛlebi na nseŋ ba yili ma anishi to ashi bɔrɛlambu nɛ menyee shuŋ ma na to n wora kɔnɔkoŋwule be ŋkre.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Ezikɛl 18:24

Ama nɛ fanɛ basa lela yige alela be kewora nseŋ fara a wora ekishisheŋ nɛ basa lubi bee wora na, a daga fanɛ b ji efute n chɛr a? Ayai! B maaŋ nyiŋi bumo alelasheŋ dra na. Baaŋ wu ŋkpal bumo be asheŋ lubi na so.

Ezikɛl 22:9

Fo basa na be beko bee ku efɛ nna a deŋi beko a fin bumo be kamɔ. Beko malɛ bee ji agbirjibi nna nɛ beko malɛ wɔtɔ a wora kusɔjiya be asheŋ.

Hoziya 4:14

Ama m maaŋ kpal loŋ so ŋ gberge bumo kusoe, ŋkpal manɛ so men gbagba bee ya ka sha agbirlambu to be esakaleche nna nɛ menyi nɛ bumo bee lara esarga a sa agbirana na. Ama le nɛ keŋasa ko bee kaŋɛ: ‘Esa nɛ e maŋ nyi asheŋ kikɛ la esa mur so nna.’ ”

Hoziya 7:4

B la basa nɛ esa maaŋ tiŋ n yirda nna nɛ bumo be yurkishi du fanɛ ebu nɛ baa tɔ bodobodo kumo to na be edɛ nɛ b baga amo to nɛ a suse yeŋyeŋyeŋ na.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Maika 6:14

Menyeeŋ ji ajibi, ama menyi alɛ maaŋ moɛ. Menyeeŋ chala asɔ n yili, ama menyi alɛ maaŋ baa kɔ mpetɛ nɛ a yil. Ma, Enyɛnpe Ebɔrɛ na beeŋ shin nɛ bedoŋ e ba kɔ n suge amo kikɛ.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”