Hoziya 4:1 - EBƆRƐ BE KAWƆL

¹ Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Hoziya 4:1 Iomraidhean Croise

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Nshɛ 81:9

Men sa maŋ kaŋ shuŋ efuli pɔtɛ kikɛ be kegbir, ŋko kegbir kikɛ nɛ menyi maŋ nyi shɛŋ a laŋɛ kumo kaplɛa so!

Aizaaya 1:10

Jerusalɛmebi, menyi be bewuraana nɛ basa kikɛ du fanɛ Sodɔm nɛ Gomɔra be basa nna. Men kaŋ asoe n nu kusɔ nɛ Enyɛnpe Ebɔrɛ na bee kaŋɛ nseŋ wɔtɔ lakal kusɔ nɛ Ebɔrɛ bee ŋini menyi to.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 28:14

To, menyi basa kpeŋso nɛ menyee ji kuwura basa ere so ashi Jerusalɛm to na e kaŋ asoe n nu kusɔ nɛ Enyɛnpe Ebɔrɛ na bee kaŋɛ.

Aizaaya 34:1

Menyi efuli kama so be basa e ba abar so nseŋ nu nfe! Durnya kikɛ nɛ kusɔ kama nɛ k wɔ kumo to e ba nfe m ba nu.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 5:3

Ŋkpal loŋ so nɛ n teri na kaŋɛ le: “Menyi basa nɛ men wɔ Jerusalɛm be kade to nɛ Judiya be efuli so, men ji ma nɛ ma ndibi sɔrso be kudɔ be asheŋ ere n sa ma.

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Aizaaya 59:8

Menyi maŋ nyi kananɛ menyi nɛ beko beeŋ tiŋ n chena abar so nɛ kayurwushi, ŋko kananɛ baa ji kashenteŋ a sa basa pɔtɛ. Ekpaana nɛ menyee bɔla so a wora asheŋ kikɛ maŋ niŋi nɛ menyi be bebɛsopo malɛ maaŋ tiŋ n nya kayurwushi kebaawɔtɔ to kikɛ.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 11:7

Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Jɛremaya 19:3

An ka yɔ ndoŋ nɛ Enyɛnpe Ebɔrɛ na kaŋɛ ma fanɛ ŋ kaŋɛ bumo le: “Juda be efuli so be bewura nɛ Jerusalɛm to be basa, men nu kusɔ nɛ ma, Enyɛnpetale Israɛl be Ebɔrɛ na kɔ nɛ ŋ kaŋɛ menyi. Meeŋ bar tɔrɔ gboŋgboŋi nfe nɛ k chinchiŋ esa kama nɛ e beeŋ nu kumo be asheŋ.

Jɛremaya 2:4

Menyi Israɛl be nnanto ebi kikɛ nɛ men la men nananyɛn Jeekɔb be kaman to ebi, men nu Enyɛnpe Ebɔrɛ na be kubɔya.

Jɛremaya 2:9

Ŋkpal loŋ so, ma, Enyɛnpe Ebɔrɛ beeŋ yɛr ma basa demujikpa n ya kute kusɔ nɛ bumo nɛ bumo kaman to ebi wora n da ma so ashi bumo be anishito.

Jɛremaya 25:31

Mbe ebɔl na beeŋ gbri n yɔ durnya be kukɔlɔbi kikɛ to. Enyɛnpe Ebɔrɛ na kɔ demu ko a ji a gbiti efuliana na. E beeŋ ji basa kikɛ demu nseŋ shin nɛ luwu e ba kumu kpakpasowuraana so. Ma, Enyɛnpe Ebɔrɛ e kaŋɛ na.’ ”

Jɛremaya 34:4

Ewura Zɛdikaya, kaŋ kusoe n nu kusɔ nɛ mee kaŋɛ fo ere. B maaŋ mɔ fo kena to.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Jɛremaya 5:4

Kumo be kaman nɛ le be nfɛra ba ma to: “Basa ere la betirpo nna nsaa maŋ nyi shɛŋ. Baa wora asheŋ kawuli so nna. B maŋ nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora.

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Jɛremaya 9:20

Ndoŋ nna nɛ ŋ kaŋɛ le: “Beche, men nu kusɔ nɛ Enyɛnpe Ebɔrɛ bee kaŋɛ, nseŋ laŋɛ menyi be lakal m ba mbe mmalga na so. Men ŋini menyi be bibiche kananɛ baa shu nli a karga, nɛ men teriana kananɛ baa boŋ awɔba.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Ezikɛl 16:35

Amoso Jerusalɛm, nu kusɔ Enyɛnpe Ebɔrɛ na bee kaŋɛ fo, sakaleche ere!

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.

Jowɛl 1:2

Benimu, men nu nfe, menyi bekama nɛ men wɔ kasawule ere so, e kaŋ kusoe n nu. Men ka koso kikɛ le be kesheŋ ere daŋ wora men be jemanɛ to, ŋko men nananyɛnana be jemanɛ to a?

Eemɔs 3:1

Menyi Israɛlebi nɛ Enyɛnpe Ebɔrɛ lara ashi Ijipt be kasawule so dra dra na, e loto n nu kusɔ nɛ e malga ŋ gbiti menyi.

Eemɔs 7:16

Loto naniere n nu kusɔ nɛ Enyɛnpe Ebɔrɛ bee kaŋɛ.

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”

Baru lela nɛ Jɔn kute na 8:55

Men maŋ nyi mo, ama ma ere nyi mo. Nɛ ŋ kaŋɛ fanɛ m maŋ nyi mo, meeŋ baa la efɛpo fanɛ menyi, ma ere nyi mo nsaa ta mbe mmalga a wɔtɔ ma kagbene to.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

Kelaraŋŋini 2:11

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, luwu nyɔsopo na maaŋ doro mo kikɛ.’ ”

Kelaraŋŋini 2:29

Amoso, ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”