Hoziya 3:5 - EBƆRƐ BE KAWƆL

⁵ Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Hoziya 3:5 Iomraidhean Croise

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

Aizaaya 17:7

Loŋ be kachɛ na kaŋ fo, basa beeŋ bɛta n yɔ bumo be etopo nɛ e la Israɛl be Ebɔrɛ cheembi na kutɔ n ya fin kechɛto.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Aizaaya 9:13

Enyɛnpetale Ebɔrɛ be kasogberge nɛ e sa Israɛl be basa na be kaman, b kra maŋ tuba m bɛta m ba mo kutɔ.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 30:9

Kumo be kaman nɛ men shuŋ ma, Enyɛnpe, menyi be Ebɔrɛ na nɛ men nananyɛn ewura Deevid be kanaŋ to be esa nɛ meeŋ buu kuwura n chena na.

Jɛremaya 33:17

Ma, Enyɛnpe Ebɔrɛ na nase kɔnɔ fanɛ ewura Deevid be kaman to ebi e naŋ baa ji kuwura ashi Israɛl be efuli so,

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 38:8

ŋkpal manɛ so, nfɛ damta be kaman meeŋ kaŋɛ mo nɛ e ya kɔ m pɔɔ efuli ko nɛ kumo be basa daŋ gama abar n shi efuli pɔtɛ damtaana so m ba chena a maa ŋana kena na. E beeŋ pɔ Israɛl be basa nɛ b chena kayurwushi so ashi abee nɛ b daŋ shile ŋ ka amo n chɛr na so.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Hoziya 1:11

Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Hoziya 5:6

Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Maika 4:1

Lalaloge be nchɛ na to kebee nɛ Enyɛnpe Ebɔrɛ be bɔrɛlambu na yil so na e naŋ ba ki abee kikɛ to be kejeŋgreŋ ga. K beeŋ baa du jeŋgreŋ a chɔ abee kikɛ nyam, nɛ efuliana na kikɛ be basa e shile m ba kumo ase

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?