Hoziya 3:4 - EBƆRƐ BE KAWƆL

⁴ Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Hoziya 3:4 Iomraidhean Croise

Jɛnesis 31:19

Pɔɛŋ nɛ b lar na Leeban ka yɔ nɛ e ya kuya mbe mbolpɔ be afuibi nɛ Reechel ya yuri mo tuto Leeban be laŋ to be agbir.

Jɛnesis 31:34

Reechel malɛ daŋ ta mo tuto be agbir na nna n wɔtɔ mbe nyɔma be gaare be kaseto n chena so. Ndoŋ nna nɛ Leeban keni wajɛbu na to be asɔ kikɛ to nyam e maŋ wu shɛŋ.

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

2 Samuɛl 6:14

Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

2 Bewura 23:24

Ewura Josaya ka daa sha nɛ e bɛ mbra be kawɔl nɛ anebi Hilkiya wu Enyɛnpe Ebɔrɛ be bɔrɛlambu na to na be mmalga so so, e daŋ lara bekpalpo nɛ ŋkilgiwuraana nɛ basa be elaŋ to be agbirana nɛ agbir kikɛ ashi Juda nɛ Jerusalɛm to nna.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

Ɛksodɔs 28:4

Shin nɛ b lɔŋɛ kusɔ kuŋ kagbeneso fanɛ kɔlgu, nɛ kale nɛ k maŋ kɔ mbre nɛ baa tre ɛfɔd na nɛ piŋi tenteŋ nɛ k bee fo aya so nɛ danshiki nɛ b ta jese n lue nɛnɛ nɛ neemu nɛ kreso peŋgeleŋ. Loŋ be asɔbuuso na e daga fanɛ b lɔŋɛ n sa fo da Ɛɛrɔn nɛ mbe mbinyɛnso, a ŋini fanɛ b la bɔrɛmatapoana nna a shuŋ ma.

Ɛksodɔs 28:6

Shin nɛ benyipo e ta le be ejese m baa nseŋ jɔɔ kale nɛ baa tre ɛfɔd na nɛ kumo be abatimu so be efɔl anyɔ nɛ a pɛ ɛfɔd na be anishito nɛ kamanto a mata abar na, nɛ kashɛr to be kreso na gba. Loŋ na amo kikɛ beeŋ baa la kukoŋwule.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Ezikɛl 19:14

Ndoŋ nna nɛ kumo be keyabi gboŋgboŋi ko pɛ edɛ; nɛ edɛ na bɛ kumo so n chɔɔ kumo be ayabi nɛ asɔrso kikɛ. Keyabi lempo kikɛ daŋ maŋ naŋ ka kumo so nɛ b ku n wora kuwurkpabi. Kashɛ ere la kagbenejija be kashɛ nna n daga kebaaboŋ kagbenejijaso.”

Ezikɛl 20:32

Menyee kaa kaŋɛ le nna: “Anyee sha fanɛ an baa du fanɛ efuliana nɛ amo be basa bee shuŋ ndibi nɛ ajembu na nna.” Ama kusɔ nɛ menyee fɛ na maaŋ tiŋ n wora kikɛ.

Ezikɛl 21:21

Babilɔn be ewura kaŋ baa fo ekpa anyɔ na be ŋkpancheri na, e beeŋ bɔla mbe atanyembi so nɛ mbe agbirana so nɛ kusɔbɔya nɛ b mɔ n lara sarga be kegbirche so m bishi so m pin kusɔ nɛ e beeŋ wora.

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Danɛl 11:31

Benapo na be beko beeŋ shin nɛ bɔrɛlambu na e sa maŋ naa du cheembi nseŋ shin nɛ b yige karechɛ kama be sarga be kebaa lara. Kumo be kaman nɛ b niŋi Edɔsopogboŋ na be kapɔrduli na to n yili n shin nɛ kusɔ kama e jija.

Danɛl 12:11

Yili saŋɛ nɛ b yige kebaalara karechɛ kama be esarga na n ya fo saŋɛ nɛ b ŋini Edɔsopogboŋ na to n yili na beeŋ baa la fanɛ nchɛ kagboŋ nɛ alfa anyɔ nɛ adekpanu nna.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Hoziya 13:10

Menyee kule fanɛ b sa menyi ewura nɛ bejuŋkparpo ashi menyi be nde to, ama baaŋ tiŋ m mɔlga menyi kashenteŋto a?

Hoziya 13:11

Amoso n daŋ kaa agbo nna n sa menyi ewura nseŋ naŋ kaa agbo n lara mo ashi menyi to.

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.

Levitikɔs 8:7

Ndoŋ nna nɛ e ta bɔrɛmatapo nimuso be asɔbuuso nɛ a la danshiki nɛ piŋi tenteŋ na nɛ kale nɛ k maŋ kɔ mbre nɛ baa tre ɛfɔd na m buu Ɛɛrɔn nseŋ ta kreso peŋgelembi ko ŋ kre mbe nteto.

Zakareya 10:2

Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Baru lela nɛ Jɔn kute na 19:15

Ndoŋ nna nɛ b ponte ŋ kaŋɛ: “Men mɔ mo, men mɔ mo. Men gbir mo m mata kedibi largato so!” Nɛ Pailat bishi bumo: “Ŋ gbir menyi be ewura m mata kedibi largato so a?” Nɛ bɔrɛmatapowuraana na kaŋɛ mo le: “Anyi maŋ kɔ ewura kama n naŋ ti Siza so.”

Hibruwebi 10:26

Ŋkpal manɛ so, b ka baŋ bugi kashenteŋ na to n sa anyi ere be kaman nɛ an kraŋ kini a wɔtɔ a wora alubi, sarga kama maŋ naa wɔtɔ nɛ k tiŋ ŋ kpra alubi na n lɛ.

Demujipoana 17:5

Maika ere daa kɔ lambu nna a shuŋ agbir ashi mbe laŋ to. Ŋkpal loŋ so nɛ e ya baa bɔrɛmatapo be piŋi nseŋ fin agbir damta n ti so. Kumo be kaman nɛ e lara mo pibinyɛn ko m buu mo kegbirwura.

Demujipoana 18:14

Ndoŋ nna nɛ basa anu nɛ b ya dara kasawule na m ba na kaŋɛ bumo be basa le: “Men nyi fanɛ bɔrɛmatapoana be piŋi nɛ agbirana be yiri yiri nɛ b shɛl amo nseŋ ŋalga gbiti ŋ gbiti amo wɔ nwuana ere be kuko to a? Manɛ nɛ menyee fɛ fanɛ an wora?”

Demujipoana 8:27

Ndoŋ nna nɛ Gidiɔn ta shuwa na n lɔŋɛ kegbir n yɔ Ofra, nɛ k la mbe kade to na. Nɛ Israɛlebi na kikɛ pal kaman n sa Ebɔrɛ nseŋ yɔ ndoŋ n ya kaa shuŋ kegbir na. Nɛ k ba ki kejigbelɛ n sa Gidiɔn nɛ mbe kanaŋ.

1 Samuɛl 14:3

Ahija nɛ e daa la bɔrɛmatapo na gba daa wɔ ndoŋ. Mo e daa buu kale lela nɛ baa tre Ɛfɔd na nɛ bɔrɛmatapo nimuso bee buu a bishi kusɔ nɛ Ebɔrɛ bee sha na. Ahija mo tuto e daa la Ahitub nɛ mo tuto mo da malɛ daa la Ikabod. Ahitub malɛ mo tuto e daa la Finihas nɛ Finihas malɛ mo tuto daa la Eli mo nɛ e daa la Enyɛnpe Ebɔrɛ be bɔrɛmatapo ashi Shilo na. Bumo alɛ be ekama daa maŋ nyi fanɛ Jonatan lar ndoŋ.

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 21:9

Nɛ Ahimɛlɛk malɛ kaŋɛ le: “Ŋ kɔ Goliɛf nɛ e la Filisti be esa nɛ fo mɔ ashi Ela be ketaŋɛ to na be tokobi ŋ kutɔ. B ta wajɛ m mɛa kumo so nɛ k wɔ kale lela nɛ baa tre Ɛfɔd na be kaman. Nɛ fee sha fo ta kumo ŋkpal manɛ so kumo nawule e la kekɔsɔ nfe.” Nɛ Deevid kaŋɛ: “Tokobi kama maŋ naa wɔtɔ n fo kumo so. Ta kumo n sa ma.”

1 Samuɛl 22:18

Nɛ Sɔɔl kilgi ŋ kaŋɛ Duɛg nɛ e shi Edɔm na le: “Mɔ bɔrɛmatapoana na kikɛ!” Kumo be kamɔnchɛ bɔrɛmatapoana nɛ b fo kabɔrɛmata be epiŋi nɛ baa tre Ɛfɔd na be kebuu na be basa aduburwa nɛ anu nɛ Duɛg mɔ.

1 Samuɛl 23:6

Ahimɛlɛk pibinyɛn Abiata ka shile n ya tu Deevid ashi Kiila na, e daŋ ta kabɔrɛmata be piŋi nɛ baa tre Ɛfɔd na nna n ti so n yɔ.

1 Samuɛl 23:9

Deevid ka nu fanɛ Sɔɔl bee kre nɛ e ba kɔ mo na, nɛ e kaŋɛ bɔrɛmatapo Abiata le: “Ta kabɔrɛmata be piŋi lela nɛ baa tre Ɛfɔd na m ba, saŋɛ na so anyeeŋ bishi Ebɔrɛ kusɔ nɛ k daga an ka wora.”

1 Samuɛl 30:7

Nɛ Deevid kaŋɛ Ahimɛlɛk pibinyɛn bɔrɛmatapo Abiata le: “Ta bɔrɛmatapo be kale nɛ baa tre Ɛfɔd na m bar ma.” Nɛ Abiata ta kumo n ya sa mo.