Hoziya 3:1 - EBƆRƐ BE KAWƆL

¹ Ndoŋ nna nɛ Enyɛnpe Ebɔrɛ naŋ kaŋɛ ma Hoziya le: “Naŋ laŋɛ n ya kaa sha fo eche nɛ e la sakaleche a kɔ bejipo na. Baa sha mo fanɛ kananɛ ma alɛ gba bee sha Israɛlebi nɛ b shile ma n yaa ka shuŋ agbir, hale a lara asɔrso nɛ baa tre greep na be awɔlso be esarga a sa amo na.”

Hoziya 3:1 Iomraidhean Croise

2 Samuɛl 6:19

Kumo be kaman nɛ e chige bumo kikɛ ajibi. E daŋ sa benyɛn nɛ beche nɛ b wɔ Israɛl na kikɛ ebodobodo nɛ eblaŋ tɔso nɛ asɔrso jiso nɛ ekama ta n yɔ laŋ to.

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

1 Kronikɛls 16:3

nseŋ sa bumo kikɛ ajibi. E daŋ sa Israɛl be eche nɛ enyɛn kikɛ bodobodo lelemu nɛ eblaŋ tɔso nɛ greep be asɔrso wɔlso nna.

Nehemaya 9:31

Ŋkpal fo kuwɔrwu kaa shi ga so, fo maŋ pal kaman n sa bumo ŋko m mur bumo na, ŋkpal manɛ so, fo la kuwɔrwu be Ebɔrɛ nna.

Nshɛ 123:2

Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

Ɛksodɔs 32:6

Kumo be ŋklade, chipurdidi nɛ basa na lara esarga chɔɔso nɛ kɔnɔkoŋwuleso be esarga. Kumo be kaman nɛ b chena n ji nseŋ nuu nsa mboo ŋ koso a wora kusɔjigaya be asheŋ.

Sɔlɔmɔn 2:5

Sa ma asɔrso nɛ baa tre greep na be awɔlso nɛ amo nɛ baa tre apɔl na nɛ n ji n nya eleŋ, ŋkpal manɛ so fo kasha shin nɛ mee lɔ nna.

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Jɛremaya 3:20

Ama men maŋ ji kashenteŋ n sa ma, fanɛ eche nɛ e maŋ kɔ kashenteŋji n sa mo kul na. Ma, Enyɛnpe Ebɔrɛ e kaŋɛ na”

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 4:11

Nɛ Enyɛnpe Ebɔrɛ yɛ: “Kasanuu be ga shin nɛ ma basa maŋ naa fɛ nfɛra!

Hoziya 7:5

Kachɛ nɛ bumo be ewura bee ji eyur na nɛ b shin nɛ mo nɛ mbe benimuana na nuu nsa m boo a wora kawulisheŋ.

Eemɔs 2:8

Epiŋi nɛ b ta n nase tarma n sa bumo na nɛ baa ta a nase bumo be agbir be mboŋ a dese so. Bumo be agbirlambu to nɛ baa chena a nuu nsa nɛ b sɔ ashi basa nɛ b ji bumo be akɔ na kutɔ.

Eemɔs 6:6

Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Matiu 26:50

Nɛ Yesu malɛ kaŋɛ mo: “Eteri, baŋ wora kusɔ nɛ k bar fo.” Ndoŋ nna nɛ basa na ba choŋ n nyaŋ Yesu m pɛ mo.

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 10:7

Men sa maŋ kaa la agbirshumpoana fanɛ kananɛ bumo be beko daa la na. Loŋ malɛ nɛ abɔrɛsibɛ na bee kaŋɛ na fanɛ: “Basa na daŋ chena nna n ji nseŋ nuu nseŋ koso n cha.”

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

Demujipoana 9:27

Jemanɛ nɛ baa chuge asɔrso nɛ baa tre greep na ka fo, nɛ ekama yɔ mbe ndibisɔrso be ndɔana to n ya chuge asɔrso nɛ baa tre greep na n loge, nɛ b nyaŋ amo be nchu na n wora yabra belbelso nɛ b luri bumo be kegbir be lambu to nseŋ wora kejigboŋ ashi bumo be kegbir ase. B ka bee ji nsaa nuu na kikɛ nɛ bumo alɛ bee melgi Abimelɛk.