Hoziya 2:9 - EBƆRƐ BE KAWƆL

⁹ Amoso kasɔteŋi be jemanɛ baŋ naŋ fo, m maaŋ naŋ sa mo ajibi nɛ asɔ nuuso nɛ asɔbuuso.

Hoziya 2:9 Iomraidhean Croise

Ezikɛl 16:27

Amoso nɛ ŋ gberge fo kusoe nseŋ shin nɛ ma nɛfa lar fo so nɛ Filisti be basa nɛ b la fo doŋana nɛ fo asheŋ bee nu bumo agbo na ba ku fo kasawule so.

Ezikɛl 16:39

Kumo be kaman, meeŋ shin nɛ fo jipoana e bure m bure mboŋ nɛ fee ji kesakalea na nsaa shuŋ agbirana na kikɛ. Baaŋ suge fo asɔbuuso nɛ abitasɔ na kikɛ ŋ ka fo kayurkpaŋ nɛ enɔfuloŋ.

Ezikɛl 23:26

Kumo be kaman, benapo na beeŋ suge fo asɔbuuso nɛ yawu kpakpaso be abitasɔ kikɛ.

Danɛl 11:13

Ŋkpal manɛ so, Siriya be efuli so be ewura na kraa beeŋ bɛta n ya koli benapo damta a chɔ bumo nɛ e daa kɔ na gba. Saŋɛ na so nfɛ damta kaŋ choŋ, mo nɛ benapo damta nɛ b kɔ akɔsɔ lempo beeŋ bɛta m ba kɔ bumo.

Hoziya 2:3

Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na. Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ. Achukoŋ malɛ e naŋ mɔ mo.

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Hoziya 9:2

Ama k maaŋ chɛr ko nɛ menyi maa naa kɔ ayu nɛ ɔlif be ŋku nɛ asɔnuuso belbelso.

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Zefanaiya 1:13

Basa pɔtɛ beeŋ suge bumo be asɔ lela kikɛ nseŋ bure bumo be nwu. B maaŋ nya n chena nwu nɛ bumo gbagba pɔr to ŋko n nya bumo be ndibisɔrso be asɔrso nɛ baa tre greeps na be nsa n nuu.”

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”