Hoziya 2:8 - EBƆRƐ BE KAWƆL

⁸ E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Hoziya 2:8 Iomraidhean Croise

1 Kronikɛls 29:16

O Enyɛnpe Ebɔrɛ, asɔ damta nɛ an ta m ba nɛ an ba pɔr bɔrɛlambu m maŋkura fo ketre ere kikɛ la fo peya nna. Fo e wɔ amo nseŋ ta amo n sa anyi.

Job be kawɔl 19:8

Ebɔrɛ kuŋ ekpa nna nɛ m maaŋ tiŋ n choŋ, mo alɛ shin nɛ ma ekpa ki tentembiri n sa ma nna.

Aizaaya 1:3

Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Aizaaya 46:6

Basa ko bee ber ebɔyɛpo paa nna, a sa bumo shuwa nɛ gbiti fanɛ b lɔŋɛ agbirana n sa bumo nɛ b baa shuŋ amo.

Jɛremaya 7:18

Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Ezikɛl 23:41

Kumo be kaman nɛ b chena mbɛ lela so nseŋ bela asɔ lela fanɛ eduwu nɛ ɔlif be ŋku nɛ n sa bumo na m bɛ teebɔl so ashi bumo be anishito.

Danɛl 3:1

Ewura Nebukadneeza daŋ shin nna nɛ b pɔr shuwa be kapɔrduli nɛ kumo be jeŋgreŋ sa fanɛ ayadra adekpanu nɛ kumo be pentren malɛ sa fanɛ ayadra akpanu. E daŋ shin nna nɛ b pɔr kumo n yili Dura be kepreŋsawule so ashi Babilɔn be kade na be ekarso.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Hoziya 13:1

Jemanɛ ko Efreim be yiri to ebi na daŋ baŋ malga, Israɛl be eyiri nɛ e ka na daa chicha nna, ŋkpal manɛ so b daa sa bumo bunyaŋ nna. Ama Efreim be yiri to ebi na wora alubi ŋkpal b ka shuŋ Baal be kegbir so nɛ luwu ba bumo so.

Hoziya 13:2

B daa wɔtɔ nna a wora alubi nsaa ta gbiti a lɔŋɛ agbir nɛ a duli anabi nna. Le nɛ b daa kaŋɛ: “Men lara sarga n sa agbir na.” Nuso malɛ nɛ esa beeŋ tiŋ n bunyaŋ agbir nɛ a du fanɛ anabi ere kashaso!

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 4:11

Nɛ Enyɛnpe Ebɔrɛ yɛ: “Kasanuu be ga shin nɛ ma basa maŋ naa fɛ nfɛra!

Hoziya 8:4

Ma basa maŋ kaŋɛ ma pɔɛŋ nseŋ lara bumo be bewura. B lara bejuŋkparpo nɛ m maŋ nyi bumo be asheŋ. Bumo be egbiti nɛ eshuwa nɛ b ta n lɔŋɛ agbirana na n yɛr bumo be amu kemur to.

Habakuk 1:16

Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Luuk 15:13

Nɛ etuto na barga mbe asɔ na to n sa bumo. K maŋ chɛr ko nɛ ekekarso na chala mbe asɔ kikɛ n fa nseŋ ta mbe amansherbi m pɛ efuli wɔfɔ ko be ekpa. E ka yɔ kade ko nɛ e ya ji mbe amansherbi na chilchilso n loge pɔp.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Demujipoana 9:27

Jemanɛ nɛ baa chuge asɔrso nɛ baa tre greep na ka fo, nɛ ekama yɔ mbe ndibisɔrso be ndɔana to n ya chuge asɔrso nɛ baa tre greep na n loge, nɛ b nyaŋ amo be nchu na n wora yabra belbelso nɛ b luri bumo be kegbir be lambu to nseŋ wora kejigboŋ ashi bumo be kegbir ase. B ka bee ji nsaa nuu na kikɛ nɛ bumo alɛ bee melgi Abimelɛk.