Hoziya 2:5 - EBƆRƐ BE KAWƆL

⁵ Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 2:5 Iomraidhean Croise

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 6:8

Jerusalɛm to be basa, men shin nɛ etɔrɔ ere e baa la kasokpele n sa menyi. Nɛ mannɛ aloŋ, meeŋ kplaŋ menyi so nseŋ shin nɛ menyi be kadegboŋ na e ki fanɛ keshishɛrsawule nɛ ekama maŋ wɔ kumo so.”

Ezikɛl 16:35

Amoso Jerusalɛm, nu kusɔ Enyɛnpe Ebɔrɛ na bee kaŋɛ fo, sakaleche ere!

Ezikɛl 16:39

Kumo be kaman, meeŋ shin nɛ fo jipoana e bure m bure mboŋ nɛ fee ji kesakalea na nsaa shuŋ agbirana na kikɛ. Baaŋ suge fo asɔbuuso nɛ abitasɔ na kikɛ ŋ ka fo kayurkpaŋ nɛ enɔfuloŋ.

Ezikɛl 16:4

Kachɛ nɛ b kurge fo, esa kikɛ maŋ ku fo enyaŋ, ŋko m bɛr fo nchu ŋko n wora nfɔl ŋ gbiti fo eyur so ŋko n ta wajɛ m buu fo so.

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”

Hoziya 2:2

Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Hoziya 3:1

Ndoŋ nna nɛ Enyɛnpe Ebɔrɛ naŋ kaŋɛ ma Hoziya le: “Naŋ laŋɛ n ya kaa sha fo eche nɛ e la sakaleche a kɔ bejipo na. Baa sha mo fanɛ kananɛ ma alɛ gba bee sha Israɛlebi nɛ b shile ma n yaa ka shuŋ agbir, hale a lara asɔrso nɛ baa tre greep na be awɔlso be esarga a sa amo na.”

Hoziya 4:5

Kapa nɛ kanyɛ, menyi nɛ menyi be anebiana na kikɛ bee fiti nna a tɔr. Ma alɛ beeŋ mur Israɛl nɛ e la men nio na.

Hoziya 8:9

Men ki fanɛ kupuŋ to be kurma nɛ kumo gbagba wɔtɔ a kilgi to nna. Men shile n yɔ Asiriyaebi kutɔ nna n ya haya bumo fanɛ b baa kuŋ menyi.

Hoziya 9:10

Enyɛnpe Ebɔrɛ yɛ: “Saŋɛ nɛ n fara n wu Israɛlebi na, b daa du nna fanɛ esa ka ya wu asɔrso nɛ baa tre greep ashi keshishɛrsawule so na. Saŋɛ nɛ n wu men nananyɛnana na, b daa du nna fanɛ esa ka wu figi be kedibi ka fara a futi na. Ama b ka ba kebeegboŋ nɛ baa tre Piyɔɔ na ase m ba ta bumo be kumu n sa kegbir nɛ baa tre Baal na, nɛ n fara ŋ kishi bumo alegaiso fanɛ kananɛ ŋ kishi kegbir na gbagba na.

Eemɔs 8:13

Kumo be kamɔnchɛ na achukoŋ beeŋ pɛ menyi be mbrantiɛfɔlbi nɛ menyi be besuŋgurbi nɛ b kɔ eleŋ ga na nɛ b tɔr ŋ kreŋ.

Demujipoana 16:23

Kachako nɛ Filistiebi na be benimu na shɛr nɛ b lara sarga n sa bumo be kegbir nɛ baa tre Dagɔn na nseŋ ji bumo be amu. Ŋkpal manɛ so, b yɛ: “Anyi be kegbir e pɛ an doŋ, Samsɔn, n wɔtɔ anyi be enɔana to.”