Hoziya 2:4 - EBƆRƐ BE KAWƆL

⁴ M maaŋ wu mbe mbia kuwɔr ŋkpal b ka la ayurbi so.

Hoziya 2:4 Iomraidhean Croise

2 Bewura 9:22

Joram ka wu Jehu na nɛ e bishi mo le: “Kagbenewushi so nɛ fee ba a?” Ndoŋ nna nɛ Jehu malɛ kaŋɛ: “Nuso nɛ kayurwushi beeŋ tiŋ a wɔtɔ saŋɛ so nɛ fo nio Jɛzebel be kegbaya nɛ kagbirshuŋ wɔ anyi to.”

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 57:3

Belubiworapoana ere, men ba nfe nɛ b ji menyi demu! Menyi nɛ bekpalpo nɛ kubojuajiwuraana nɛ esakale kikɛ la kukoŋwule nna.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 16:5

Nɛ esa baŋ wu, sa maŋ kaŋ yɔ keelibuna na n ya chɔrɔ kanaŋ na ŋko a wora kuwɔr be asheŋ. M maaŋ naŋ sha ŋko n nɛfa ŋko n wu Juda be basa kuwɔr kikɛ.

Ezikɛl 23:25

Ŋkpal ŋ ka nya agbo n wɔtɔ fo so, meeŋ shin nɛ benapo na e kaa kagbene n tɔrɔ fo ga. Benapo na beeŋ ku fo kamuna nɛ asoe nseŋ mɔ fo mbia. Kashenteŋto, baaŋ suge fo mbia n yɔ n ya chɔɔ bumo m mɔ.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Hoziya 5:7

B maŋ naa ji kashenteŋ a sa Enyɛnpe Ebɔrɛ na. Bumo nɛ esakaleche e kurge mbia. Ŋkpal loŋ so bumo nɛ bumo be ndɔana kikɛ beeŋ mur kachɛ nɛ baaŋ ji bumo be kufɔl popɔr be kejigboŋ na.

Zakareya 1:12

Nɛ malaika na kaŋɛ: “Enyɛnpetale Ebɔrɛ, fo ka nya agbo n wɔtɔ Jerusalɛm nɛ nde nɛ a wɔ Juda be efuli so na be nfɛ adushunu nde. Saŋɛ mo nɛ feeŋ wu bumo kuwɔr?”

Baru lela nɛ Jɔn kute na 8:41

Asɔ nɛ men tuto bee wora nɛ menyee wora na.” Nɛ b kaŋɛ Yesu le: “Mannɛ ayurbi e la anyi. Etuto koŋwule nɛ an kɔ, mo alɛ e la Ebɔrɛ na.”

Romebi 11:22

To, loŋ e daga men ka keni m pin kananɛ Ebɔrɛ be kelela nɛ mbe nyaŋnyaŋ du. E ŋini basa nɛ b foe kashenteŋ be ekpa na so na kananɛ e du nyaŋnyaŋ nseŋ ŋini menyi alɛ mbe kelela nɛ men kraŋ baa wɔ mbe kelela na to nna na. Nɛ mannɛ aloŋ, e beeŋ ku menyi n lɛ fanɛ kananɛ e daŋ ku ayabi gbagba na n lɛ na.

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.