Hoziya 2:3 - EBƆRƐ BE KAWƆL

³ Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na. Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ. Achukoŋ malɛ e naŋ mɔ mo.

Hoziya 2:3 Iomraidhean Croise

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Aizaaya 33:9

Nsawule kikɛ wɔl a dese jiga. Lebanɔn be kupo na wɔl ŋ gbaŋgbaŋ afantaŋ nɛ Sharɔn be ketaŋɛ lela na ki fanɛ keshishɛrsawule. Ndibi nɛ a wɔ Bashan nɛ kebee nɛ baa tre Kamɛl na so gbaŋgbaŋ amo be afantaŋ.

Aizaaya 47:3

Basa beeŋ wu men be kesaria nseŋ wu kananɛ men ba kaseto n ji anishinyɔr. Meeŋ gberge Babilɔn be basa kikɛ kusoe ŋkpal bumo be alubi so, nɛ esa kikɛ maaŋ tiŋ ŋ kuŋ ma ekpa.”

Aizaaya 64:10

Fo ndegboŋ cheembiana na be kekama ki fanɛ keshishɛrsawule nna. Jerusalɛm ki kelambure nna nɛ ekama maŋ naa wɔ kumo to.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Jɛremaya 13:26

Enyɛnpe Ebɔrɛ na gbagba e naŋ delge fo so n shin nɛ fo ji anishinyɔr.

Jɛremaya 14:3

Damawuraana shuŋi bumo be nyɛrbi nɛ mbita eboŋ to, nɛ b yɔ atirbu chiŋgeliŋ to nɛ b ya jɔ nchu, ama b maŋ nya nchu nɛ b jɔ. Ndoŋ nna nɛ aba pɔ bumo nɛ b bɛta nɛ mpuya fuloŋ.

Jɛremaya 17:6

Baaŋ baa du fanɛ keshishɛrsawule so be afitiri nɛ e kɔr kasawule jiga nɛ k maŋ kɔ kayul nsaa kɔ nfɔl nɛ shɛŋ shɛŋ maa tiŋ a kɔr kumo so na nna. Bɔrɛ ba kumo so gba, k maa sɔ nchu a wora kayul.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 4:26

Kasawule lela nɛ k bee wora adɔjibi na ki keshishɛrsawule nɛ ndegboŋana na kikɛ ki alambure. Ŋkpal manɛ so, Enyɛnpe Ebɔrɛ daŋ nya agbo ga nna.

Jɛremaya 51:43

Kemur nɛ k bee keta kufu beeŋ ba ndeana nɛ e taga to kadegboŋ na so. Kasawule na beeŋ ki keshishɛrsawule fuloŋ, kakpa nɛ esa kama maaŋ tiŋ n chena ŋko m bɔla kumo so n choŋ gba.

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Ezikɛl 16:22

Fo ka pere kenishi a wora ekishisheŋ ere nsaa ji fo kubojua ere kikɛ na, fo teŋ fo kebia to so; jemanɛ nɛ fo daŋ delge so a dese ŋklaŋ to a to aya to na.

Ezikɛl 19:13

Naniere keshishɛrsawule so nɛ n duu kumo, kasawule wɔlso nɛ nchu maŋ wɔ kumo so.

Hoziya 13:15

Hale nɛ b dii dama a chɔ bumo kurgepoana gba, meeŋ shin nɛ afu tushiso e shi keshishɛrsawule na be epeŋilarkpa be kaba so m ba shin nɛ bumo be mbombi nɛ atirbu e wɔl to. Kumo be kaman nɛ afu na e jija bumo be asɔ lela nɛ b kɔ na.

Hoziya 2:10

Meeŋ shin nɛ mo jipoana e wu asheŋ lubi nɛ e wora na kikɛ, nɛ esa kama malɛ maaŋ tiŋ n sɔ mo ashi ma enɔ to.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.

Demujipoana 15:18

Achukoŋ ka pɛ Samsɔn ga nɛ e kule Ebɔrɛ ŋ kaŋɛ: “O Enyɛnpe Ebɔrɛ, fo e shin nɛ n tiŋ n ji eleŋ nseŋ tiŋ ŋ kɔ m pɔɔ so. Feeŋ shin nɛ achukoŋ e mɔ ma nɛ nnyamase ere e naŋ ba nya ma m pɛ a?”