Hoziya 2:13 - EBƆRƐ BE KAWƆL

¹³ Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Hoziya 2:13 Iomraidhean Croise

2 Bewura 1:2

Kachako nɛ Israɛl be efuli so be Ewura Ahaziya shi mbe laŋ be kuchoŋi be esoso ashi Samɛria be kade to n tɔrto nseŋ doro ga. Ŋkpal loŋ so e daŋ shuŋi mbɔ Ekrɔn be kade to nna fanɛ b ya bishi Filistiebi be kegbir nɛ baa tre Baalzebɔb na ŋ keni e beeŋ nya alenfia ŋko e maaŋ nya?

2 Bewura 10:28

Kananɛ Jehu ju Baal be kagbirshuŋ ashi Israɛl be efuli so nna na.

2 Bewura 21:3

E daŋ lɔŋɛ m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nseŋ m pɔr ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

Job be kawɔl 8:13

Basa nɛ b maŋ nyi Ebɔrɛ du fanɛ agasa nna, jemanɛ nɛ b maŋ nyi mo na nɛ bumo be tama bee loge.

Nshɛ 106:13

Ama k maŋ chɛr ko nɛ b naŋ teŋ kusɔ nɛ e wora so nsaa maŋ naa sɔ mbe kasotoji.

Nshɛ 106:21

B daŋ teŋ Ebɔrɛ nɛ e daŋ wora asheŋgboŋ ashi Ijipt be efuli so m mɔlga bumo na so nna.

Nshɛ 78:11

B daŋ teŋ kusɔ e wora so nna, emamachisheŋ nɛ b daŋ wu e ka wora na kikɛ nɛ b daŋ teŋ so.

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 65:7

ŋkpal bumo gbagba nɛ bumo nanaana be alubi so. B shuŋ agbir nseŋ chɔɔ eduwu n sa amo ashi abee so a malga a jija ma ketre. Amoso meeŋ keni bumo be asheŋ dra so ŋ gberge bumo kusoe kananɛ k daga bumo.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 18:15

Ama ma basa bre teŋ ma so nna nseŋ lar ma kaman n ya kaa chɔɔ eduwu a sa agbirana. B daŋ yige ekpa nɛ k daga fanɛ b baa bɔla so a wora asheŋ nna, nseŋ ya kaa bɔla ekpa popɔr so a shuŋ agbir; nɛ k wora fanɛ b ka fiti n tɔr na.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 23:2

Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Nfabel 5:14

Basakpar maŋ naa chena kadegboŋ na be mbunagboŋana na ase a ji asheŋ. Mbifɔlbi malɛ gba maŋ naa boŋ nshɛ.

Ezikɛl 16:12

nɛ kamuna to be kepinibi nɛ akonde nɛ kuwurwuro lela ga nɛ fo ta m buu fo kumu so.

Ezikɛl 16:17

Fo ta shuwa nɛ gbiti be abitasɔ nɛ n sa fo na n lɔŋɛ agbir nyɛnsoana nsaa yɔ amo ase n ya kaa ji kesakalea.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Hoziya 11:2

Ama saŋɛ nɛ m pere kenishi a tre bumo na, nɛ bumo alɛ pere kenishi a shile ma. Bumo alɛ maŋ yige sarga be kebaa lara nɛ duwu be kebaa chɔɔ a sa Baal be kegbir na.

Hoziya 13:1

Jemanɛ ko Efreim be yiri to ebi na daŋ baŋ malga, Israɛl be eyiri nɛ e ka na daa chicha nna, ŋkpal manɛ so b daa sa bumo bunyaŋ nna. Ama Efreim be yiri to ebi na wora alubi ŋkpal b ka shuŋ Baal be kegbir so nɛ luwu ba bumo so.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 2:7

E beeŋ shile m bɛ mo jipoana so, ama mo alɛ maaŋ naŋ nya bumo. E beeŋ fin bumo, ama mo alɛ maaŋ wu bumo. Saŋɛ na so nɛ e kaŋɛ le: Meeŋ bɛta n yɔ ma kul dra kutɔ ŋkpal manɛ so ndoŋ be kebaawɔtɔ bɔ kakpa nɛ n wɔ naniere.

Hoziya 4:13

Abeegboŋ be esoso nɛ baa yɔ n ya ka lara bumo be esarga nsaa chɔɔ eduwu malɛ abeebi so ashi ndibi tenteŋ nɛ a purge ga a kɔ kiyoyul na be afito. Ŋkpal loŋ so nɛ menyi be mbichesobi bee ji kesakalea na, nɛ men shacheana malɛ bee lar bumo kulana be mman a sha benyɛn pɔtɛ.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Ditɛronɔmi 32:18

B daŋ teŋ bumo be Ebɔrɛ, bumo be Emɔlgapo lempo nɛ e sa bumo ŋkpa na so nna.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 3:7

Israɛlebi na daŋ teŋ Enyɛnpe bumo be Ebɔrɛ na so nna nseŋ wora alubi n da mo so, nsaa shuŋ kegbir nɛ baa tre Baal nɛ kegbirche nɛ baa tre Ashira na.

1 Samuɛl 12:9

Ama ŋkpal Israɛlebi na ka daŋ kini kenu n sa Enyɛnpe Ebɔrɛ so, E daŋ sa Filistiebi na nɛ Mowab be ewura nɛ Sisɛra nɛ e la Heezɔ be kade be benapo be enimu na ekpa nna nɛ b kɔ m pɔɔ bumo so.”