Hoziya 14:9 - EBƆRƐ BE KAWƆL

⁹ Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Hoziya 14:9 Iomraidhean Croise

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Nshɛ 107:43

Ekama nɛ e kɔ kanyiasheŋ, e baa nyiŋi asheŋ ere nsaa fɛ Enyɛnpe Ebɔrɛ na be kasha nɛ k maa loge na be asheŋ.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 84:5

Kagbenefuli la bekama nɛ baa nya eleŋ fo kutɔ nsaa pere kenishi a yɔ Zayɔn be kebee so n ya kaa shuŋ fo na peya nna.

Nshɛ 84:7

Fo basa bee nya eleŋ nna a ti so, n ya fo fanɛ ekama ka beeŋ baa tiŋ a ba Ebɔrɛ na be anishito ashi Zayɔn be kebee na so.

Aŋasa 10:29

Enyɛnpe Ebɔrɛ bee kuŋ beshenteŋjipo nna, nsaa mur bumo nɛ baa wora alubi.

Aŋasa 16:21

Enyiashempo e naa pin asheŋ to manaŋ manaŋ, nɛ kamalga lela malɛ bee chɛ to a shin nɛ esa be keŋini asheŋ bee nite nɛnɛ.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 1:28

Ama e beeŋ mur esa kama nɛ e bee wora alubi nseŋ kini fanɛ Enyɛnpe Ebɔrɛ e baa wɔ mo na. Mo alɛ beeŋ shin nɛ esa kama nɛ e kplaŋ mo so e wu.

Aizaaya 17:8

B maaŋ naŋ ta bumo be yirda n deŋi agbirsure nɛ bumo gbagba pɔr na ŋko ndibi tenteŋ nɛ b yuu kakpa nɛ baa shuŋ kegbir cheso nɛ baa tre Ashira na, nsaa chɔɔ eduwu agbirsure so ndoŋ na so.

Aizaaya 26:7

Kusɔ nɛ k daga nɛ fo Enyɛnpe Ebɔrɛ bee wora jemanɛ kikɛ, nsaa shin nɛ ekpabi bee ki fanɛ kegbembi a sa basa nɛ baa wora fo kasonu.

Jɛremaya 29:12

Saŋɛ na so menyeeŋ bɛta m ba ma kutɔ m ba shu n tre ma a fin kechɛto nɛ n nu menyi be kekule na.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Ezikɛl 11:18

B kaŋ bɛta m ba malɛ, baaŋ lara agbirana nɛ a la ekishisheŋ n sa ma na ashi mboŋ nɛ a wɔ na kikɛ.

Ezikɛl 18:25

Menyi Israɛl be basa bee kaa kaŋɛ fanɛ, kusɔ nɛ Enyɛnpe bee wora na maŋ walɛ. Ama men nu nfe, mannɛ ma e naa wora asɔ nɛ a maŋ walɛ. Menyi e naa wora asɔ nɛ a maŋ walɛ!

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Danɛl 12:10

Basa damta beeŋ lara alubi ashi bumo be ŋgbene to. Basa lubi bre maa ba nɛ b pin asheŋ to kikɛ, b kraa beeŋ lubi gba n ti so. Ama bekama nɛ b nyi asheŋ bre, beeŋ nya asheŋ be kepinto.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Matiu 11:19

Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 7:23

Kagbenefuli la ekama nɛ e maa wora ma shikashika peya nna.”

Baru lela nɛ Jɔn kute na 15:24

Nɛ fanɛ n daa maŋ wora emamachisheŋ nɛ esa kikɛ maŋ naŋ wora ere bumo to nna, b daa maaŋ tɔr alubi be ntaŋ, ama naniere b wu emamachisheŋ ere kikɛ, bumo alɛ kraa kishi ma nɛ n Tuto na kikɛ.

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Baru lela nɛ Jɔn kute na 8:47

Esa kama nɛ e la Ebɔrɛ peya bee nu asɔ nɛ Ebɔrɛ bee kaŋɛ nna. Men ka maŋ la Ebɔrɛ peya so e shin nɛ men maa nu asɔ nɛ e bee kaŋɛ na.”

Baru lela nɛ Jɔn kute na 9:39

Nɛ Yesu kaŋɛ: “M ba durnya ere to nna nɛ m ba ji basa demu nɛ betanpo e nya a wu nɛ bumo nɛ baa wu malɛ e tan.”

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Romebi 7:12

Ade e naa ŋini fanɛ mbra na bre gbagba maŋ kɔ kulubi kumo to. Loŋ koŋwule na gba nɛ ntaŋ na gba la kusɔ lela a kɔ ekpa nsaa maŋ kɔ kulubi kumo to.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!