Hoziya 14:7 - EBƆRƐ BE KAWƆL

⁷ Menyeeŋ luri ma kayul to n nya kekuŋ. Menyeeŋ purge afantaŋ nseŋ sɔr asɔrso fanɛ ndibi sɔrso na. Menyi alɛ be ketre beeŋ dii fanɛ Lebanɔn be nsa.

Hoziya 14:7 Iomraidhean Croise

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 85:6

Naŋ sa anyi eleŋ nɛ anyi, nɛ an la fo basa na be ŋgbene e baa fuli fo so nɛ an baa kpaŋ fo.

Nshɛ 91:1

Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 4:11

Ma kejafɔ, fo kɔnɔ be kepipe wɔ ebel nna fanɛ mushoŋ. Nɛ fo kudonduloŋ bee wora ma ebel, fanɛ mushoŋ nɛ kenyipochu na. Fo asɔbuuso to be efɛa wɔ ebel nna fanɛ Lebanɔn be ndibi nɛ baa tre sida na be efɛa.

Sɔlɔmɔn 6:11

N daŋ n yɔ ndibisɔrso be kudɔbi to nna nɛ n ya keni fanɛ afeelebi nɛ a bee sɔr asɔrso nɛ baa tre greeps na, nɛ amo nɛ baa tre pomegranates na, teŋ fara a wora atoto a?

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Ezikɛl 17:23

Israɛl be kebee nɛ k du jeŋgreŋ ga na be awɔlto nɛ meeŋ fɛa kumo. Nɛ k daŋ n wora ayabi nseŋ sɔr asɔrso nseŋ ki sida be kedibi lela. Nɛ mbuibi be yiri kikɛ e ba tɔ asha kumo so; nseŋ nya edikpa kumo be ayabi so.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Hoziya 2:21

Loŋ be saŋɛ na kaŋ fo, meeŋ nu menyi be kabɔrɛkule nseŋ shin nɛ bɔrɛ e ba kasawule ere so.

Hoziya 2:22

Nɛ aboyu nɛ asɔrso nɛ baa tre greep na nɛ ɔlif kikɛ e wora ashi Jizreel be ketaŋɛ na to.

Hoziya 6:2

Ta a yɔ nchɛnnyɔ ŋko nchɛnsa be kefɛato, e beeŋ ba chɛ anyi nseŋ naŋ sa anyi eleŋ saŋɛ na so anyi nɛ mo beeŋ baa wɔtɔ.

Zakareya 8:12

Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Baru lela nɛ Jɔn kute na 11:25

Nɛ Yesu kaŋɛ mo: “Ma e la esa nɛ e bee tiŋi basa ashi luwu to a sa bumo ŋkpa na, nɛ esa kama nɛ e yirda ma beeŋ nya ŋkpa hale nɛ e wu gba.

Baru lela nɛ Jɔn kute na 12:24

Ma e kaŋɛ menyi kashenteŋto na fanɛ kuyubi baa maŋ tɔr shishɛr to n wu, k beeŋ baa la keduusobi koŋwule nna saŋkikɛ. Ama nɛ fanɛ k baŋ tɔr shishɛr to ŋ kɔr pɔɛŋ nseŋ wu, k bee bar asɔrso damta nna.