Hoziya 14:6 - EBƆRƐ BE KAWƆL

⁶ Menyeeŋ ki fanɛ kedibi nɛ baa tre ɔlif nɛ k purge afantaŋ a walɛ na. Menyi beeŋ baa kɔ efɛa belbelso fanɛ ndibi nɛ baa tre sida nɛ a wɔ Lebanɔn na.

Hoziya 14:6 Iomraidhean Croise

Jɛnesis 27:27

Ndoŋ nna nɛ Jeekɔb yɔ nɛ mo tuto e lala mo so. Aizek ka nu mbe asɔbuuso na be efɛa nɛ e nɛfa mo nseŋ kaŋɛ le: “Cha, ma kebia ere be efɛa baa du fanɛ kasawule mo nɛ Enyɛnpe nɛfa nna.

Nshɛ 128:3

Mbe eche beeŋ baa du fanɛ kedibisɔrso nɛ k bee sɔr ga ashi mbe laŋ to. Mbe mbia malɛ beeŋ baa du fanɛ ɔlif be ndibi popɔrbi m bɔlɔ laŋ.

Nshɛ 52:8

Ama ma ere du fanɛ ɔlif be kedibi nna, a daŋ nsaa walɛ saŋkama ashi Ebɔrɛ be laŋ to. Ma alɛ be yirda deŋ mbe kasha nɛ k maŋ kɔ ekar na so saŋkikɛ nna.

Nshɛ 92:12

Basa lela beeŋ dii dama fanɛ ŋkubadibi ka purge na; baaŋ daŋ n yili fanɛ Lebanɔn be ndibi nɛ baa tre sida na.

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Aizaaya 66:14

Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Jɛremaya 11:16

Jemanɛ ko n daŋ ta bumo nna fanɛ kedibi nɛ baa tre ɔlif nɛ k kɔ asɔrso lela ga na, ama naniere meeŋ shin nɛ kakpa a gbri fanɛ bɔrɛ ka ponte na nɛ afantaŋ na e suse so nɛ ayabi na malɛ e buri n tɔr.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 13:31

Nɛ Yesu naŋ kaŋɛ bumo keŋasa popɔr fanɛ: “Ebɔrɛso be kuwura na du fanɛ kakilia be keduusobi nna, aduusoana kikɛ be kefimbi nɛ esa bee ta a duu mbe kasawule so.

Baru lela nɛ Jɔn kute na 15:1

Yesu yɛ: “N du fanɛ kedibi sɔrso gbagba nna nɛ n Tuto malɛ la ndibi sɔrso na be ekenipo.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.