Hoziya 14:4 - EBƆRƐ BE KAWƆL

⁴ Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Hoziya 14:4 Iomraidhean Croise

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Aizaaya 57:18

N wu asheŋ nɛ b wora na kikɛ, ama ŋ kraa beeŋ chɛ bumo be alɔ. Ma alɛ beeŋ juŋkpar bumo nseŋ chɛ bumo to nseŋ naŋ lolo bekama nɛ baa shu nli na,

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Ezikɛl 33:14

Ama nɛ fanɛ ŋ fɛa esa lubi so fanɛ e beeŋ wu ŋkpal mbe alubi so, nɛ e yige asheŋ lubi be kewora nsaa wora asheŋ lela nɛ a daga

Ezikɛl 36:36

Ndoŋ nna nɛ basa nɛ b wɔ efuliana nɛ a mata menyi nseŋ kraa wɔtɔ na e pin fanɛ ma Enyɛnpe Ebɔrɛ na e naa lɔŋɛ menyi be nde bureso a pɔr nsaa dɔ menyi be adɔpuŋ a du. Ma Enyɛnpe Ebɔrɛ na e nase kumo be kɔnɔ, ma alɛ beeŋ wora loŋ gbagba chap.”

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 2:19

Meeŋ shin nɛ fo Israɛl e naŋ ki fanɛ ma eche nɛ m baa ji kashenteŋ a sa fo. Ma alɛ beeŋ baa sha fo saŋkama nsaa wu fo kuwɔr nɛ fo baa la meya hale mbaanaayɔ.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Romebi 3:24

Ama ŋkpal Ebɔrɛ be kuwɔr be kakɛ nɛ esa maa wora shɛŋ nsaa nya na so, asheŋ naŋ nyalɛ n sa basa, ŋkpal kesɔnyige be ekpa nɛ b bɔla Yesu Kristo so m bugi na so.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

Taites 3:4

Ama Ebɔrɛ, an be Emɔlgapo ka ba lara mbe kelela nɛ kasha ŋ ŋini basa kikɛ na nɛ e mɔlga anyi. Mannɛ anyi gbagba be kelela be asheŋ woraso ko so nɛ e mɔlga anyi.