Hoziya 13:7 - EBƆRƐ BE KAWƆL

⁷ Amoso meeŋ kɔ menyi fanɛ kananɛ buluŋ bee kɔ esa na. Meeŋ ŋana ekpa to kupuŋ to a jo menyi fanɛ karmɛ na.

Hoziya 13:7 Iomraidhean Croise

Job be kawɔl 10:16

Kanaŋ kama nɛ m pere kenishi n wora asheŋ gba, fo kraa pete ma nna fanɛ kananɛ ekpampo bee pete buluŋ na, saŋɛ na so feeŋ ŋini ma fo mamachi be yuku na.

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Jɛremaya 25:38

Enyɛnpe Ebɔrɛ na kini mbe basa n lɛ nseŋ kplaŋ bumo so fanɛ kananɛ buluŋ bee kini kebeelaŋ nɛ k bee di to a lɛ nsaa shile a ka kumo na. Kufugboŋ nɛ k bee tɔr basa so ŋkpal kena so na nɛ Enyɛnpe Ebɔrɛ na be agbo nɛ k bee suse fanɛ edɛ na e shin nɛ efuli na ki fanɛ keshishɛrsawule a dese.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Nfabel 3:10

E daa du fanɛ kutuŋ ŋko buluŋ nɛ e daŋ ŋana m pugi a jo ma nɛ m ba nɛ e tɛ n yuu ma so nna.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Eemɔs 3:4

Fo daŋ nu buluŋ ka bee ponte kiyi to nɛ k maŋ wu kusɔbɔya a? Fo daŋ nu buluŋ fɔlbi ka wɔ kumo be edesekpa a munto nɛ k maŋ pɛ kusɔ ko a?

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Kelaraŋŋini 13:2

Kusɔbɔya mo nɛ n daŋ wu na daa du fanɛ karmɛ nna nɛ mbe aya malɛ daa du fanɛ shishiri be aya nɛ mbe kɔnɔ malɛ daa du fanɛ buluŋ be kɔnɔ. Kusɔ gbeyeso na daŋ sa kusɔbɔya na mo gbagba be eleŋ nɛ mbe kuwurputi nɛ eleŋ damta nna.