Hoziya 13:6 - EBƆRƐ BE KAWƆL

⁶ Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 13:6 Iomraidhean Croise

Nehemaya 9:35

Ŋkpal fo nɛfa nɛ fo daŋ ta n sa fo basa so bewura e daa juŋkpar bumo. Loŋ be saŋɛ na, nɛ b daa wɔ kasawule nɛ fo ta n sa bumo na so, ama b kini nsaa wɔ kulubi to.

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Aŋasa 30:9

Saŋɛ na so maaŋ ki damawura nseŋ teŋ fo so ŋko nɛ ketir e shin nɛ n ya yuri n jija fo ketre.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Jɛremaya 5:7

Kumo be kaman nɛ Enyɛnpe Ebɔrɛ bishi le: Manɛ so nɛ meeŋ ta ma basa be alubi m paŋ bumo? B kplaŋ ma so nseŋ lar ma kaman n ya kaa shuŋ agbirana nɛ e maŋ la Ebɔrɛ na. N sa ma basa kusɔ kama kanaŋkamaso nɛ baa sha, ama b kraŋ yige ma nseŋ lar bumo be beche be mman n ya kaa wɔ esakaleche kutɔ.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Ezikɛl 28:5

Fo yɛ fo yawu be keji be kenyigboŋ na so nɛ fo ji yawu n nya tɔnɔ na. Fo kedama na shin nɛ kamoowu luri m bɔlɔ fo to nɛ fee puchi.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Hoziya 12:8

Men yɛ: ‘Damawuraana e la anyi nɛ an kɔ amansherbi nɛnɛ. Esa kama malɛ maaŋ tiŋ ŋ kaŋɛ anyi fanɛ an puni nna ŋ ki damawuraana.’

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Hoziya 2:7

E beeŋ shile m bɛ mo jipoana so, ama mo alɛ maaŋ naŋ nya bumo. E beeŋ fin bumo, ama mo alɛ maaŋ wu bumo. Saŋɛ na so nɛ e kaŋɛ le: Meeŋ bɛta n yɔ ma kul dra kutɔ ŋkpal manɛ so ndoŋ be kebaawɔtɔ bɔ kakpa nɛ n wɔ naniere.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 4:7

Kananɛ bɔrɛmatapoana na bee wora kishi a ti so, loŋ koŋwule nɛ baa wora alubi a gbiti ma a ti so. Ŋkpal loŋ so, meeŋ shin nɛ men be kemaŋkura nɛ men kɔ na e ki anishinyɔr n sa menyi.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Hoziya 7:14

B maa bugi ŋgbene a kule ma. Baa tɔr nna a gbelti a shu fanɛ kananɛ nnyamase bee wora na. B baa kule ma adɔjibi nɛ asɔnuuso gba; baa ta asɔ nna a chaŋɛ a chaŋɛ bumo be eyur fanɛ kananɛ nnyamase bee wora na. Kashenteŋto b la basa nɛ b kini ma nna.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Hoziya 8:4

Ma basa maŋ kaŋɛ ma pɔɛŋ nseŋ lara bumo be bewura. B lara bejuŋkparpo nɛ m maŋ nyi bumo be asheŋ. Bumo be egbiti nɛ eshuwa nɛ b ta n lɔŋɛ agbirana na n yɛr bumo be amu kemur to.

Ditɛronɔmi 32:18

B daŋ teŋ bumo be Ebɔrɛ, bumo be Emɔlgapo lempo nɛ e sa bumo ŋkpa na so nna.