Hoziya 13:2 - EBƆRƐ BE KAWƆL

² B daa wɔtɔ nna a wora alubi nsaa ta gbiti a lɔŋɛ agbir nɛ a duli anabi nna. Le nɛ b daa kaŋɛ: “Men lara sarga n sa agbir na.” Nuso malɛ nɛ esa beeŋ tiŋ n bunyaŋ agbir nɛ a du fanɛ anabi ere kashaso!

Hoziya 13:2 Iomraidhean Croise

1 Bewura 19:18

Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

2 Kronikɛls 28:13

B yɛ: “Men sa maŋ ta basa nɛ men pɛ kena to na m ba nfe! An tiŋ n wora alubi ŋ gbiti Enyɛnpe Ebɔrɛ na nseŋ wɔtɔ mo agbo to n daga mbe kasogberge. Naniere, menyee shin nɛ men wora kusɔ nɛ k beeŋ shin nɛ anyi be kulubi na e wora alegai nna na.”

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 30:1

Enyɛnpe Ebɔrɛ na yɛ: “Asheŋ maaŋ nyalɛ n sa basa nɛ baa ji kuwura Juda be efuli so na ŋkpal b ka lar ma kaman a maa nu a sa ma so. Baa bɛ ŋkre nɛ m maŋ wora so nna nseŋ shin nɛ bumo nɛ efuli ko so ebi bee wora kɔnɔkoŋwule be ŋkre nɛ m maa sha kumo be loŋ. B wɔtɔ nna a wora alubi a deŋi abar so.

Aizaaya 44:11

Esa kama nɛ e bee shuŋ kegbir nɛ basa nɛ baa lɔŋɛ agbirana na kikɛ la edimɛdi nna. Bumo alɛ kikɛ be lalaloge la ŋaba nna. Shin nɛ b ba yili ma anishi to nɛ n ji bumo demu nɛ fo keni. Baaŋ baa chicha nseŋ ji anishinyɔr.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Aizaaya 46:6

Basa ko bee ber ebɔyɛpo paa nna, a sa bumo shuwa nɛ gbiti fanɛ b lɔŋɛ agbirana n sa bumo nɛ b baa shuŋ amo.

Aizaaya 46:8

Menyi, basa nɛ men lar ma kaman ere, men shin nɛ demu ere e baa wɔ menyi be nfɛra to, nɛ men baa nyiŋi kumo jemanɛ kikɛ.

Jɛremaya 10:4

Kumo be kaman nɛ b ŋalga shuwa nɛ gbiti n wurge amo so nseŋ gbir amo anyembi n yili nɛ e sa maŋ melgi n tɔr kasawule.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 11:2

Ama saŋɛ nɛ m pere kenishi a tre bumo na, nɛ bumo alɛ pere kenishi a shile ma. Bumo alɛ maŋ yige sarga be kebaa lara nɛ duwu be kebaa chɔɔ a sa Baal be kegbir na.

Hoziya 11:6

Baaŋ ta kena n luri bumo be nde to n jija bumo be kadegboŋ be kabuna to be akuloŋgboŋ na, nɛ kusɔ nɛ baa fɛ baaŋ wora na e jija.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Hoziya 4:17

Agbir be eleŋ kre Israɛlebi na nna, amoso meeŋ kplaŋ bumo so nɛ b baa wora bumo be kepar.

Hoziya 8:4

Ma basa maŋ kaŋɛ ma pɔɛŋ nseŋ lara bumo be bewura. B lara bejuŋkparpo nɛ m maŋ nyi bumo be asheŋ. Bumo be egbiti nɛ eshuwa nɛ b ta n lɔŋɛ agbirana na n yɛr bumo be amu kemur to.

Hoziya 8:5

M maa sha gbolu nɛ Samɛria be kade to ebi ta shuwa n lɔŋɛ a shuŋ fanɛ kegbir na be asheŋ. N nya agbo alegaiso n wɔtɔ bumo. Saŋɛ mo gba nɛ baaŋ yige kebaa shuŋ agbir ere?

Hoziya 8:6

Israɛl be esa nɛ e nyi enɔ to be kushuŋ e daŋ lɔŋɛ kegbir na, ama kumo alɛ maŋ la ma Enyɛnpe Ebɔrɛ na! Amoso k beeŋ buri to le kpachɛrkpachɛrbi.

Nɔmbɛs 32:14

Kusɔ nɛ men nananyɛnana daŋ wora na nɛ menyi Rubenebi nɛ Gadebi gba bee wora naniere a shin nɛ Enyɛnpe Ebɔrɛ be agbo bee kaa Israɛlebi so.

Romebi 11:4

Elaija ka daŋ kaŋɛ loŋ, nuso nɛ Ebɔrɛ kaŋɛ mo? Ebɔrɛ yɛ: “Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde: