Hoziya 13:15 - EBƆRƐ BE KAWƆL

¹⁵ Hale nɛ b dii dama a chɔ bumo kurgepoana gba, meeŋ shin nɛ afu tushiso e shi keshishɛrsawule na be epeŋilarkpa be kaba so m ba shin nɛ bumo be mbombi nɛ atirbu e wɔl to. Kumo be kaman nɛ afu na e jija bumo be asɔ lela nɛ b kɔ na.

Hoziya 13:15 Iomraidhean Croise

Jɛnesis 41:23

Le be ayu ere be kaman nɛ ayu be amu ashunu ko malɛ naŋ lar, a du pɔsampɔsambi fanɛ ewule kpakpaso be epeŋi nɛ afu tushiso nɛ a shi epeŋipetekpa ka chɔ amo na.

Jɛnesis 41:52

Ketre mo nɛ e daŋ sa mo pibinyɛn nyɔsopo na e daa la Efrayim nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nna nɛ n nya kakurge ashi efuli mo nɛ n wɔ a ji awurfoŋ so.”

Jɛnesis 41:6

Le be ayu ere be kaman nɛ ayu be amu ashunu pɔsampɔsambi ko malɛ naŋ lar a du fanɛ ewule kpakpaso be epeŋi nɛ afu tushiso nɛ a shi epeŋipetekpa ka chɔ amo na

Jɛnesis 48:19

Ndoŋ nna nɛ mo tuto kini nseŋ kaŋɛ: “N nyi, m pibi n nyi. Mo alɛ gba beeŋ ki basa ko be kumuwura, mo alɛ gba beeŋ ba ki esagboŋ, ama mo sipo e naaŋ ba kaa chɔ mo eleŋ nɛ mbe kanaŋ to ebi e ba ki efuli damtaana be basa.”

Jɛnesis 49:22

Josɛf, fo du fanɛ kefeelebi nɛ k bee sɔr asɔrso lela nɛ baa tre greep, nɛ k yili m mata eboŋkar nɛ kumo be ayabi daŋ n ya kaa dii a buu egbal so na nna.

Job be kawɔl 18:16

Kumo be kaman nɛ b ki fanɛ ndibi nɛ amo be nliŋi nɛ ayabi kikɛ wu.

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Nshɛ 109:13

Ebɔrɛ e shin nɛ mbe kanaŋ nɛ kaman to ebi kikɛ e mur kuraa; nseŋ shin nɛ b teŋ bumo be atre so hale mbaanaayɔ.

Aizaaya 14:21

Anyeeŋ teŋ fo mbinyɛnsobi so ŋkpal bumo nananyɛnana be alubi so. Bumo be ekama maaŋ ji kuwura ŋko m pɔr ndegboŋ durnya be kaplɛkama.

Aizaaya 17:13

Ama nɛ efuli lempoana bee ba eleŋso fanɛ atiligboŋ gba, Enyɛnpe Ebɔrɛ na beeŋ ponte bumo so nɛ b bɛta fanɛ kalabɛr ka koso kebee ase ŋko kewabi nɛ kawuliwuli ta a yɔ na.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Jɛremaya 20:5

Ma alɛ beeŋ naŋ shin nɛ bumo doŋana e ba fuu kadegboŋ na to be asɔ lela kikɛ nseŋ suge kumo to be mpetɛsɔ kikɛ nyam, hale Juda be bewuraana be amansherbi nɛ yawu kpakpaso be asɔ, n sulɔ amo kikɛ n yɔ Babilɔn be efuli so.

Jɛremaya 4:11

Jemanɛ ko bee ba nɛ Jerusalɛm to be basa e nu fanɛ afu tushiso ko bee shi keshishɛrsawule so a ber a ba bumo so. K maaŋ baa la afu nɛ k bee chela a ber amimi a lɛ na nna.

Jɛremaya 4:12

Afu nɛ Enyɛnpe Ebɔrɛ na beeŋ shin nɛ k chela na beeŋ baa kɔ eleŋ ga, ŋkpal manɛ so mo gbagba be demuji nɛ e kɔ a ba mbe basa so.

Jɛremaya 51:1

Enyɛnpe Ebɔrɛ na yɛ: “Meeŋ shin nɛ afu nɛ k bee jija asɔ e ba Babilɔn be efuli nɛ kumo be basa so.

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

Ezikɛl 17:10

Kefeelebi na kɔ eleŋ nɛ alenfia nɛnɛ, ama nɛ fanɛ epeŋilarkpa be afu ber kumo so, k maaŋ chɛr nɛ k bolo.”

Ezikɛl 19:12

Ama agbo so nɛ n tia kumo n lɛ kasawule. Afu nɛ a shi epeŋilarkpa daŋ shin nɛ k bolo nɛ kumo be asɔrso gbaŋgbaŋ n tɔr; nɛ kumo be ayabi lempo na wɔl nɛ edɛ ji amo.

Danɛl 11:8

E beeŋ ta bumo be agbirana nɛ asɔ lela nɛ b ta shuwa nɛ gbiti n lɔŋɛ na kikɛ n yɔ Ijipt be kasawule so. Kede be kaman, baaŋ chena kagbenewushi so nfɛ damta pɔɛŋ,

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Hoziya 2:3

Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na. Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ. Achukoŋ malɛ e naŋ mɔ mo.

Hoziya 4:19

Kawuliwuli beeŋ ta bumo n choŋ nɛ anishinyɔr e pɛ bumo ŋkpal b ka bee lara esarga a sa agbir so.

Hoziya 9:11

Amoso Israɛlebi be kemaŋkura beeŋ shile bumo so fanɛ kabuibi ka firgi n choŋ na. Bumo be beche gba maaŋ naŋ tiŋ n da adampu ŋ kurge mbia n sa bumo.

Jona 4:8

Epeŋi ka lar nɛ Ebɔrɛ shin nɛ afu tushiso be kebembeŋ shi epeŋilarkpa m ber m ba Jona so nɛ e bɛlɛ. Ndoŋ nna nɛ e kaŋɛ le: “Ŋ ka wu bɔ ŋ ka kraa wɔ ŋkpa to.”

Nahum 2:9

Nɛ bedoŋ be benapo na bee ponte a kaŋɛ: “Men baa muu eshuwa nɛ egbiti na! Ŋkpal manɛ so, kadegboŋ na to kɔ asɔ lela ga!”

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”