Hoziya 13:1 - EBƆRƐ BE KAWƆL

¹ Jemanɛ ko Efreim be yiri to ebi na daŋ baŋ malga, Israɛl be eyiri nɛ e ka na daa chicha nna, ŋkpal manɛ so b daa sa bumo bunyaŋ nna. Ama Efreim be yiri to ebi na wora alubi ŋkpal b ka shuŋ Baal be kegbir so nɛ luwu ba bumo so.

Hoziya 13:1 Iomraidhean Croise

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

1 Bewura 12:25

Ewura Jeroboam daŋ naŋ pɔr egbalshin nna n sɔ kumo nɛ b pɔr ŋ kulti Shɛkɛm be kade ashi Efrayim be kebee be efuli so na to nna nseŋ chena ndoŋ n ji nchɛnnyɔ. Ade kikɛ be kaman nɛ e naŋ pɔr egbalshin n sɔ egbal nɛ b pɔr ŋ kulti Penuɛl gba na to.

Job be kawɔl 29:21

M baa ji basa asoe to, baa lo to a nu kusɔ nɛ mee kaŋɛ na nna.

Job be kawɔl 29:22

Ma alɛ baŋ malga n loge, b maŋ naa kaŋɛ shɛŋ a ti so. Ma mmalga daa luri bumo to nna fanɛ bɔrɛchu ka bee luri kasawule to na.

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 7:8

Ŋkpal manɛ so, Siriya be efuli na maŋ kɔ eleŋ a chɔ kumo be kadegboŋ nɛ baa tre Damaskɔs na, nɛ Damaskɔs malɛ maŋ kɔ eleŋ a chɔ ewura Rezin. Ta a ba nfɛ adeshe nɛ anu be jemanɛ so Israɛl be efuli na bre beeŋ mur a maaŋ naa wɔtɔ gba.

Hoziya 11:2

Ama saŋɛ nɛ m pere kenishi a tre bumo na, nɛ bumo alɛ pere kenishi a shile ma. Bumo alɛ maŋ yige sarga be kebaa lara nɛ duwu be kebaa chɔɔ a sa Baal be kegbir na.

Hoziya 2:10

Meeŋ shin nɛ mo jipoana e wu asheŋ lubi nɛ e wora na kikɛ, nɛ esa kama malɛ maaŋ tiŋ n sɔ mo ashi ma enɔ to.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Hoziya 8:4

Ma basa maŋ kaŋɛ ma pɔɛŋ nseŋ lara bumo be bewura. B lara bejuŋkparpo nɛ m maŋ nyi bumo be asheŋ. Bumo be egbiti nɛ eshuwa nɛ b ta n lɔŋɛ agbirana na n yɛr bumo be amu kemur to.

Nɔmbɛs 10:22

Efreim be yiri nɛ eyiri nɛ b chena m mata bumo na malɛ e naaŋ baa la katuŋ sasopo ŋ keta bumo be etuuta m bɛ so. Amihuud pibinyɛn Elishama e daa la Efreim be yiri na to be benapo be ejuŋkparpo.

Nɔmbɛs 13:16

Bumo nɛ Mosis daŋ shuŋi fanɛ b ya dara kasawule na ŋ keni. E daŋ chɛrga Nun pibinyɛn Hoshiya be ketre nna ŋ ki Joshuwa.

Nɔmbɛs 13:8

Nun pibinyɛn Hoshiya shi Efreim be yiri to nɛ

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Romebi 5:12

To, naniere, men baa nyi fanɛ esa koŋwule so nɛ alubi bɔla m ba durnya to nɛ luwu malɛ ba ŋkpal alubi na so m ba sɔ durnya kikɛ to nyam, ŋkpal manɛ so, basa kikɛ wora alubi.

2 Kɔrintebi 5:14

Ŋkpal manɛ so, Kristo be kasha e kɔ anyi a wora asheŋ ŋkpal an ka baa nyi geeŋ fanɛ esa koŋwule e yili ekama be katelamu to n wu so so. Kumo e la fanɛ ekama malɛ e wu.

Joshuwa 3:7

Nɛ Enyɛnpe Ebɔrɛ na kaŋɛ Joshuwa le: “Kabre meeŋ maŋ fo so ashi Israɛlebi kikɛ be anishito, n shin nɛ b pin fanɛ kananɛ ma nɛ Mosis daa la na, loŋ nɛ ma nɛ fo alɛ gba beeŋ baa la.

Demujipoana 12:1

Nɛ Efrayim be benyɛn bela ase n tre bumo be benapo n dii lɔr nɛ baa tre Jɔɔdan na n yɔ kade nɛ baa tre Zafɔn na nseŋ ya kaŋɛ Jɛfta le: “Manɛ e ba nɛ fo ya kɔ Ammɔn be basa na kena nsaa maŋ kela n tre anyi? Anyeeŋ chɔɔ fo kowu n lɛ fo so!”

Demujipoana 8:1

Ade kikɛ be kaman nɛ Efrayimebi na bishi Gidiɔn le: “Manɛ nna nɛ fo wora anyi loŋ? Manɛ so nɛ fo maŋ kela n tre anyi saŋɛ nɛ men daa yɔ nɛ men ya kɔ Midianebi na kena na?” Nɛ b bile asheŋ ga.

1 Samuɛl 15:17

Nɛ Samuɛl yɛ: “Fo gbagba nyi fo ka daa maŋ la shɛŋ; ama naniere mannɛ fo e ba ki Israɛl be eyiri kikɛ be ejuŋkparpo ere a? Fo nɛ Enyɛnpe Ebɔrɛ lara fanɛ fo ki Israɛl be ewura naniere,