Hoziya 12:9 - EBƆRƐ BE KAWƆL

⁹ Ama ma nɛ n la men Nyɛnpe nɛ men be Ebɔrɛ nseŋ lara menyi ashi Ijipt be kasawule so na, beeŋ naŋ shin nɛ men chena ewajɛbu to fanɛ kananɛ men daŋ chena amo to pɔɛŋ nɛ m ba tu menyi keshishɛrsawule na so na.

Hoziya 12:9 Iomraidhean Croise

Jɛnesis 25:27

Mbia na ka daŋ nɛ Isɔɔ ki ekpampo a nyi kekpaŋ to ga nsaa sha kupuŋ to be kebaawɔtɔ, nɛ Jeekɔb malɛ du boeŋ nsaa sha laŋ to be kebaawɔtɔ.

2 Samuɛl 7:2

Ndoŋ nna nɛ ewura Deevid kaŋɛ anebi Neetan le: “Keni! Ndibi nɛ baa tre sida na nɛ b ta m pɔr ma laŋ ere, ama Ebɔrɛ be ŋkre be deka na bre wɔ wajɛbu to nna!”

Ɛzra 3:4

B daŋ ji Abuu to be kachɛgboŋ na nna fanɛ kananɛ mbra na bee ŋini na gbagba chap. Esarga nɛ a daga b lara karechɛ kama be kachipurso nɛ kaaseso kikɛ na nɛ b daŋ lara.

Nshɛ 49:7

Esa maaŋ tiŋ ŋ ka dimɛdi kukɔ n sɔ mo barkasa n yige, ŋko ŋ ka Ebɔrɛ kukɔ n wora loŋ.

Nshɛ 81:10

Ma e la Enyɛnpe menyi be Ebɔrɛ nɛ e lara menyi ashi Ijipt be efuli so m ba na. Menyi ere e bugi kɔnɔ ŋ kaŋɛ ma kusɔ nɛ menyee sha de, nɛ n wora kumo n sa menyi.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Aŋasa 30:12

Beko malɛ bee fɛ fanɛ baa wora asheŋ nɛ a niŋi nna ama alubi damta e bɔlɔ bumo to.

Jɛremaya 35:7

Mo alɛ daŋ naŋ kaŋɛ anyi fanɛ an sa maŋ pɔr nwu ŋko n dɔ adɔjibi ŋko ndibi sɔrso be adɔ. E daŋ kaŋɛ anyi kenishipereso fanɛ an baa wɔ ewajɛbu to nna jemanɛ kikɛ, saŋɛ na so anyi ere beeŋ baa wɔ kasawule ere so fanɛ befɔ.

Jɛremaya 5:27

Kananɛ ekpampo bee pɛ mbuibi a bɔlɔ katurwe na, aloŋ nɛ baa suge ma basa be asɔ a bɔlɔ bumo be elaŋana to. Amoso nɛ b dii kedama nsaa kɔ eleŋ ga

Hoziya 11:1

Enyɛnpe Ebɔrɛ yɛ: “Jemanɛ so nɛ Israɛl wɔ Ijipt be efuli so fanɛ kebia na nɛ n tre mo n lar ndoŋ fanɛ m pibinyɛn shaso.

Hoziya 13:4

Enyɛnpe Ebɔrɛ yɛ: “Ma e la Enyɛnpe, men be Ebɔrɛ nɛ n lara menyi ashi Ijipt be kasawule so na. N nawule e la menyi be Ebɔrɛ nɛ men be emɔlgapo.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Levitikɔs 19:36

Men baa ta asɔ karga asɔ nɛ a daga a karga asɔ a sa basa. Ma e la Enyɛnpe, men be Ebɔrɛ na. Ma alɛ e lara menyi Ijipt be efuli so m ba.

Levitikɔs 26:13

Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Zakareya 11:5

Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”

Nɔmbɛs 15:41

Ma e la men Nyɛnpe nɛ men be Ebɔrɛ nɛ e lara menyi ashi Ijipt be efuli so na.

Baru lela nɛ Jɔn kute na 7:2

Ama Juwebi be daŋkare so be nshɛr nɛ baa tre Abuu to be Kebaawɔ be kejigboŋ na be jemanɛ na ka ba kaa fo