Hoziya 12:13 - EBƆRƐ BE KAWƆL

¹³ Enyɛnpe Ebɔrɛ e shuŋi anebi Mosis fanɛ e ya mɔlga Israɛl be basa kenyaya to ashi Ijipt be kasawule so nseŋ keni bumo so nɛnɛ.

Hoziya 12:13 Iomraidhean Croise

Jɛnesis 28:2

Kusɔ nɛ k daga fanɛ fo wora e la fanɛ fo yɔ fo nananyɛn Bɛtuwɛl pe ashi Mɛsopoteemia epul ere to n ya fin fo wɔpa Leeban be mbichebiana na be eko n ta ŋ ki fo eche.

Jɛnesis 29:20

Amoso nfɛnshunu nɛ Jeekɔb daŋ shuŋ ŋkpal Reechel so, ama nfɛnshunu na daa du fanɛ nchɛ gbrɛbi ko nna ŋkpal kasha nɛ e daa kɔ n sa Reechel na so.

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 14:19

Ade kikɛ be kaman nɛ Ebɔrɛ be malaika mo nɛ e daa wɔ kuwɔlpa to a juŋkpar Israɛlebi na bɛta n ya kaa bɛ bumo be kaman.

Hoziya 11:1

Enyɛnpe Ebɔrɛ yɛ: “Jemanɛ so nɛ Israɛl wɔ Ijipt be efuli so fanɛ kebia na nɛ n tre mo n lar ndoŋ fanɛ m pibinyɛn shaso.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.