Hoziya 11:9 - EBƆRƐ BE KAWƆL

⁹ M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Hoziya 11:9 Iomraidhean Croise

2 Samuɛl 20:10

Ama Amasa malɛ daa maŋ nyi Jɔab ka keta kasaŋɛbi na mbe enɔ ko to. Ndoŋ nna nɛ Jɔab ta kasaŋɛbi na n da Amasa be epun hale nɛ mbe apumbi lar n tɔr kasawule nɛ e wu epul na to ndoŋ. Jɔab maŋ da mo kasaŋɛbi na ale anyɔ. Kumo be kaman nɛ Jɔab nɛ mo sipo Abishai bee ju Shɛba.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 48:9

Ŋkpal ŋ ka bee sha basa e kpaŋ ma ketre so, nɛ mee pɛ ma agbo nsaa maŋ mur menyi na.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Jɛremaya 26:3

Ashere basa na beeŋ nu kamalga na nseŋ yige bumo be asheŋ lubi na. Nɛ b wora loŋ bre, meeŋ chɛrga ma nfɛra a laŋɛ kemur nɛ n daŋ kre keta m ba bumo so na be kaplɛa so ŋkpal bumo be asheŋ lubi so na.”

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Malakai 3:6

Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

1 Samuɛl 26:8

Nɛ Abishai kuli ŋ kaŋɛ Deevid le: “Naniere bre Ebɔrɛ ta fo doŋ n wɔtɔ fo enɔ to nna na. Shin nɛ n ta mo gbagba be kekpa ere m baŋ da mo m mata kasawule kela koŋwule paati. M maaŋ da mo kumo ale anyɔ!”