Hoziya 11:8 - EBƆRƐ BE KAWƆL

⁸ Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 11:8 Iomraidhean Croise

Jɛnesis 14:8

Ndoŋ nna nɛ Sodɔm nɛ Gomɔra nɛ Adma nɛ Zeboyim nɛ Bela, bumo e la Zowar na, be bewura malɛ keta bumo be benapo n lar m ba Sidim be ketaŋɛ na to

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

1 Bewura 3:26

Ndoŋ nna nɛ kuwɔr pɛ kebia na mo nio gbagba nɛ e kaŋɛ ewura na le: “Jande, Yiramu, sa maŋ mɔ kebia na! Ta mo n sa mbarkasa na.” Ama eche nyɔsopo na bre daŋ kaŋɛ le nna: “Sa maŋ ta kebia na n sa anyi be ekama; barga mo to anyɔ n sa anyi.”

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Kronikɛls 36:15

Enyɛnpe Ebɔrɛ nɛ e la bumo nananyɛnana be Ebɔrɛ na daa shuŋi anebiana nna, nɛ baa kpele bumo kusoe ŋkpal e ka daa maa sha kemur mbe basa nɛ mbe bɔrɛlambu nɛ e wɔ kumo to na so.

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Aizaaya 16:11

Ebesa bee ji ma nna ashi ma kagbene to nɛ mee shu a sa Mowab nɛ Kir Hɛrɛs.

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Jɛremaya 18:8

nɛ efuli na so be basa tuba nseŋ yige bumo be asheŋ lubi na be kebaawora, m maaŋ naŋ wora kusɔ nɛ n daŋ kre kewora bumo na.

Jɛremaya 3:12

E daŋ kaŋɛ ma nna fanɛ n ya kaŋɛ Israɛl le: “Israɛl nɛ e maa ji kashenteŋ ere, bɛta m ba ma kutɔ. Mee wu kuwɔr nna nsaa maaŋ nya agbo n wɔtɔ fo mbaanaayɔ.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 42:10

E yɛ: ‘Nɛ menyee sha kechena kasawule ere so, kumo ere mee leŋ menyi to nna nɛ men chena kumo so nɛ m baa chɛ menyi to, saŋɛ na so men maaŋ naŋ lar kumo so. Kemur nɛ n shin nɛ k ba menyi so na sa ma kebɔltofinfin damta ga.

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Nfabel 1:20

O Enyɛnpe Ebɔrɛ, keni awurfoŋ nɛ ebesa damta nɛ anyee ji ere! Anyi be ŋgbene jija anyi nna ga ŋkpal anyi be alubi so. Basa be kamɔ e sɔ agbembi so, nɛ anyi be elaŋana gba to.

Nfabel 3:32

Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Nfabel 3:33

Anyi be kagbenejija nɛ keji ebesa maa par Enyɛnpe Ebɔrɛ na.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Ezikɛl 6:9

Saŋɛ na so, bumo nɛ baaŋ ji efute na beeŋ fɛ ma asheŋ nseŋ nyiŋi kananɛ b lar ma kaman nsaa shuŋ agbirana nseŋ ta nyɔmɔ m pɛ ma na ashi efuliana nɛ baaŋ tintiŋ bumo n yɔ na so. Ndoŋ nɛ bumo gbagba be asheŋ beeŋ baa nu bumo gbagba agbo ŋkpal bumo asheŋ lubi lubi nɛ b wora so

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Hoziya 7:1

Saŋkama nɛ m baa sha keta ma basa nɛ b wɔ Israɛl be efuli so nɛ Samɛria be kade to be alubi m paŋ bumo nseŋ nɛfa bumo, kusɔ nɛ mee wu bumo to e la asheŋ lubi. B wɔtɔ nna a puni abar, nsaa bure elaŋana a luri to a yuri nsaa suge basa be asɔ ashi ekpaana to.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Eemɔs 7:3

Ndoŋ nna nɛ Enyɛnpe Ebɔrɛ chɛrga mbe nfɛra nseŋ kaŋɛ le: “M maaŋ shin nɛ kusɔ nɛ fo wu ere e wora kikɛ.”

Eemɔs 7:6

Nɛ Enyɛnpe Ebɔrɛ naŋ chɛrga mbe nfɛra ŋ kaŋɛ le: “Loŋ maaŋ wora kikɛ.”

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ditɛronɔmi 29:22

Aloŋ beeŋ shin nɛ menyi be mbia nɛ baaŋ koso echefoso nɛ befɔ nɛ baaŋ shi efuli wɔfɔ so m ba na e wu kumu lubi gboŋgboŋi nɛ etɔrɔ nɛ Enyɛnpe Ebɔrɛ na daŋ shin nɛ a ba men be kasawule so. Nfɔl nɛ jɛrbi beeŋ jija men be adɔsawule kikɛ nɛ a ki jiga a dese nɛ b maaŋ tiŋ n duu shɛŋ amo so. Afitiri gba maaŋ naŋ tiŋ ŋ kɔr adɔsawule na so.

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

2 Pita 2:6

Ŋko nɛ e daŋ wu Sodɔm nɛ Gomɔra be nde na to ebi be alubi nseŋ daŋ chɔɔ amo edɛ nyam n ta kusɔ nɛ k daŋ wora bumo na a ŋini kusɔ nɛ k beeŋ ba wora bɔrɛkinipoana na, e beeŋ yige le be befɛpo ere bre a?

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 18:18

n shu awɔrso ŋkpal b ka wu edɛ mo nɛ a bee chɔɔ mo na be edishi so ŋ kaŋɛ: “Cha, kade mo malɛ e daŋ naŋ fo kadegboŋ ere so?”

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.