Hoziya 11:10 - EBƆRƐ BE KAWƆL

¹⁰ Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Hoziya 11:10 Iomraidhean Croise

Job be kawɔl 37:1

M baŋ nu Ebɔrɛ be ebɔl kaa bee muni to fanɛ bɔrɛ ka ponte, nseŋ wu bɔrɛ ka nyɛkpɛ ŋ ku awɔlpa to a choŋ, ma kagbene bee ku nna nɛ kufu e pɛ ma nɛ ma eyur kikɛ e baa chicha.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 2:11

Men ta kufu nɛ kechicha chicha a shuŋ Ebɔrɛ, nseŋ shin nɛ men be ŋgbene e fuli.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 31:4

Ade be kaman nɛ Enyɛnpe Ebɔrɛ na kaŋɛ ma le: “Awɔr kama nɛ mbolpɔkpapo beeŋ wora maaŋ tiŋ n funti buluŋ nɛ e yige kusɔbɔya nɛ e pɛ na. Aloŋ koŋwule na nɛ shɛŋ maaŋ tiŋ n shin nɛ ma Enyɛnpetale Ebɔrɛ na, e yige kebaakuŋ Zayɔn be kebee na.

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Aizaaya 64:2

A beeŋ baa chicha fanɛ nchu ka bɛ edɛ so a falte na. Lara fo eleŋgboŋ ŋ ŋini fo doŋana n shin nɛ kufu e pɛ efuli pɔtɛana na nɛ bumo alɛ gba e baa chicha fo anishito!

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Jɛremaya 25:30

Jɛremaya, fo e daga fo ber asheŋ nɛ ŋ kaŋɛ ere kikɛ be kebomboŋ n sa basa ere: ‘Enyɛnpe Ebɔrɛ na beeŋ shi ebɔrɛso m ponte awɔrso fanɛ bɔrɛ ka ponte awɔlpa to na. E beeŋ ponte m malga ŋ gbiti mbe basa fanɛ kananɛ baa beri ayu nsaa boŋ nshɛ awɔrso na. Esa kama nɛ e wɔ durnya to be kaplɛkama beeŋ nu mbe ebɔl.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 50:4

Nɛ Enyɛnpe Ebɔrɛ na kaŋɛ: “Jemanɛ na kaŋ fo, Israɛl nɛ Juda be basa kikɛ beeŋ cha abar n shu anishichubi. Kumo be kaman nɛ b bɛta m ba bumo be kasawule so m ba bunyaŋ ma.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Ezikɛl 26:16

Saŋɛ na so nɛ bekama nɛ baa ji kuwura efuliana nɛ a chena m mata teku ase na e gbelge bumo be nwurputi so. Kumo be kaman nɛ b gbaŋ bumo be bewura be epiŋiana nɛ bumo be asɔbuuso nɛ b jɔɔ amo na kikɛ nseŋ chena kasawule a chicha. Ŋkpal kusɔ nɛ k beeŋ tu menyi na so, kufu beeŋ pɛ bumo ga hale nɛ b maŋ tiŋ n yige kebaachicha.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Eemɔs 3:4

Fo daŋ nu buluŋ ka bee ponte kiyi to nɛ k maŋ wu kusɔbɔya a? Fo daŋ nu buluŋ fɔlbi ka wɔ kumo be edesekpa a munto nɛ k maŋ pɛ kusɔ ko a?

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Maika 4:5

Efuli kama so ebi bee bunyaŋ nsaa wora bumo be kegbir kasonu nna, ama anyi ere beeŋ baa bunyaŋ nsaa wora Enyɛnpe anyi be Ebɔrɛ na kasonu nna mbaanaayɔ.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Zakareya 10:10

Meeŋ ya keta bumo n shi Ijipt nɛ Asiriya be efuliana so m ba epe, nɛ b ba chena bumo gbagba be kasawule so. Meeŋ shin nɛ b chena Giliad nɛ Lebanɔn be nsawule gba so, n sɔ amo kikɛ so.

Zakareya 10:12

Meeŋ naŋ wɔtɔ ma basa eleŋ to, nɛ b baa bunyaŋ ma nsaa wora ma kasonu. Ma, Enyɛnpe Ebɔrɛ na e malga na!”

Zakareya 8:7

Meeŋ mɔlga ma basa ashi efuliana nɛ a wɔ epeŋilarkpa nɛ epeŋitɔrkpa na

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,

Kelaraŋŋini 10:3

nseŋ wora awɔr ko fanɛ buluŋ ka munto na. E ka wora awɔr na nɛ bɔrɛ be egbri ashunu na sɔ n shuli so.