Hoziya 10:8 - EBƆRƐ BE KAWƆL

⁸ Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Hoziya 10:8 Iomraidhean Croise

Jɛnesis 3:8

Kumo be kamɔnchɛ kaboŋ ka ya kaa wushito nɛ enyɛn na nɛ mbe eche nu Enyɛnpe Ebɔrɛ be aya be egbri kudɔbi na to nseŋ luri ndoŋ be ndibi to ŋ ŋana mo so.

1 Bewura 13:2

Kusɔ nɛ Enyɛnpe Ebɔrɛ kaŋɛ fanɛ anebi na e kaŋɛ a laŋɛ bɔrɛsure na be kaplɛa so e la fanɛ: “Baaŋ kurge kebia ko ashi ewura Deevid be kanaŋ to n nase mbe ketre Josaya. E beeŋ mɔ bɔrɛmatapoana nɛ baa lara esarga a deŋi kumo so ere n lara sarga n deŋi kumo so nseŋ chɔɔ dimɛdi be awibi kumo so.”

1 Bewura 13:34

Le be kulubi nɛ e wora ere e naaŋ shin mbe kuwurji e tɔr nseŋ mur cheche kachako.

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

2 Bewura 23:15

Ewura Josaya daŋ bure Nebat pibinyɛn ewura Jeroboam be kagbirshuŋ be mboŋ nɛ e daŋ pɔr n yili Bɛtɛl nɛ a shin nɛ Israɛlebi luri kulubi to na nna. E daŋ da bɔrɛsure na nna n lɛ m bure kumo be ajembu to kpachɛrkpachɛrbi ŋ kɔr amo to nɛ a ki fanɛ shishɛr. Kumo be kaman nɛ e chɔ kegbirche Ashira be kapɔrduli na gba.

2 Kronikɛls 31:1

Kejigboŋ na ka loge, nɛ Israɛlebi na yɔ Juda be efuli so be kade kikɛ to, n ya bure ndoŋ be ajembu be eshabɔrɛ nɛ kegbirche Ashira be mpɔrduli be ndibi n lɛ nseŋ mur ndoŋ be ebɔrɛsure nɛ kakpa nɛ nnyamase bee shuŋ bumo be agbirana na kikɛ. B daŋ wora loŋ nna ashi Juda be efuli so kikɛ nɛ Bɛnjamin nɛ Efrayim nɛ Manase be kaba so kikɛ. Kumo be kaman nɛ b bɛta n yɔ epe.

Aizaaya 2:19

Jemanɛ nɛ Enyɛnpe Ebɔrɛ na beeŋ shin nɛ durnya e gbuŋgbuŋ na, basa beeŋ shile n ya ŋana abeelaŋ to, ŋko n ya kur kasawule n luri to ŋ ŋana, a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

Aizaaya 2:21

Enyɛnpe Ebɔrɛ na kaŋ ba nɛ e ba gbuŋgbuŋ kasawule na, basa beeŋ shile n ya ŋana amaŋ nɛ abeelaŋ to a fin keŋana Enyɛnpe Ebɔrɛ na be agbo nɛ eleŋgboŋ nɛ kemaŋkura so.

Aizaaya 32:13

nɛ ewi be yiri yiri kɔr ma basa be nsawule so so. Men baa shu anishichubi ŋkpal kagbenefuli nɛ k maŋ naa wɔ basa be elaŋ to ashi kadegboŋ nɛ kebaawɔtɔ daa nite nɛnɛ kumo to na so.

Aizaaya 34:13

Ewi nɛ egɔnnyaŋɛ e naaŋ kɔr bumo be ewurkpaana nɛ nde nɛ b pɔr egbal ŋ kulti amo na kikɛ to. Saŋɛ na so ejiŋkaamu nɛ egbuŋgbula be yiri yiri beeŋ ba kaa wɔ amo to.

Hoziya 10:2

Ŋgbene kpakpasowuraana beeŋ ji bumo be alubi be tɔnɔ. Enyɛnpe Ebɔrɛ beeŋ bure bumo be ebɔrɛsure na nseŋ jija bumo be agbirjembu nɛ b yuu na gba.

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Hoziya 2:6

Amoso meeŋ ta ewidibi n yuu n chambɔ mo n wɔtɔ nseŋ pɔr egbal malɛ ŋ kuŋ mo nɛ e maaŋ naŋ nya ekpa n lar.

Hoziya 4:13

Abeegboŋ be esoso nɛ baa yɔ n ya ka lara bumo be esarga nsaa chɔɔ eduwu malɛ abeebi so ashi ndibi tenteŋ nɛ a purge ga a kɔ kiyoyul na be afito. Ŋkpal loŋ so nɛ menyi be mbichesobi bee ji kesakalea na, nɛ men shacheana malɛ bee lar bumo kulana be mman a sha benyɛn pɔtɛ.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Hoziya 8:5

M maa sha gbolu nɛ Samɛria be kade to ebi ta shuwa n lɔŋɛ a shuŋ fanɛ kegbir na be asheŋ. N nya agbo alegaiso n wɔtɔ bumo. Saŋɛ mo gba nɛ baaŋ yige kebaa shuŋ agbir ere?

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Eemɔs 1:5

Meeŋ bure kadegboŋ nɛ baa tre Damaskɔs na be mbunagboŋana na to kpachɛrkpachɛrbi nseŋ mur basa nɛ b wɔ Avɛn be kepla so na nɛ Bɛfadɛn be ejuŋkparpo na. Nseŋ shin nɛ b pɛ Siriya be basa fanɛ basa nɛ b ti ebu na n yɔ Kiir be efuli so kufɔ kufɔ.” Ma Enyɛnpe Ebɔrɛ na e malga na!

Eemɔs 3:14

“Kachɛ nɛ meeŋ gberge Israɛl be basa kusoe ŋkpal bumo be alubi so na, nɛ meeŋ mur Bɛtɛl be kade to gba be ebɔrɛsureana. Ebɔrɛsureana na be abonfu kikɛ beeŋ bure n tɔr keshishɛrpumpuŋ to.

Eemɔs 7:9

Abee so be mboŋ nɛ basa daa shuŋ Ebɔrɛ na kikɛ beeŋ mur. Nɛ bumo be ebɔrɛlambuana kikɛ a ki alambure. Nɛ n shin nɛ Ewura Jeroboam be kuwurji malɛ e ba ekar.”

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Maika 1:13

Menyi nɛ men wɔ Lakish na e bela men be egbaŋɛ nɛ kena to be egbaŋɛturko ase. Men kute Israɛlebi to n wora alubi nseŋ ŋin Jerusalɛmebi gba n wɔtɔ alubi to.

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Nahum 3:11

Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu.

Luuk 23:30

Saŋɛ na so baaŋ fara a kule abeegboŋ nɛ abeebi fanɛ a ka la enyiŋgbasa na ŋ kaŋɛ abeegboŋ le: ‘Men tɔr anyi so’, nseŋ kaŋɛ abeebi malɛ: ‘Men buu anyi so.’

Ditɛronɔmi 9:21

Ndoŋ nna nɛ n ta kebɛlso be gbolu fɔlbi be kegbir nɛ b lɔŋɛ nɛ k la kulubi na n wɔtɔ edɛ to nseŋ bure kumo to. Kumo be kaman nɛ ŋ kɔr kumo to nseŋ muu amo n ya lɛ kabombi nɛ k bee shile kebeegboŋ na so a gbelge to na to.

Kelaraŋŋini 6:16

Ade be kaman nɛ b fara a tre abeegboŋana na nɛ afaltaana na fanɛ a ka la enyiŋgbasa a kaŋɛ amo le: “Men tɔr anyi so n ta anyi ŋ ŋana esa nɛ e tase mbe kuwurputi so na nɛ Kpakpafɔlbi na be agbo so.

Kelaraŋŋini 9:6

Amo be jemanɛ na basa beeŋ fin luwu ŋ gben, baaŋ yɛlga luwu, ama luwu beeŋ shile bumo.