Hoziya 10:4 - EBƆRƐ BE KAWƆL

⁴ Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.

Hoziya 10:4 Iomraidhean Croise

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Eemɔs 5:7

Menyeeŋ mur cheche, ŋkpal manɛ so menyee kilgi kashenteŋ nna a buu nsaa wɔtɔ a puni basa!

Eemɔs 6:12

Egbaŋɛ beeŋ tiŋ n shile afalta so manaŋ manaŋ a? Ŋko anafɛlso beeŋ tiŋ n dɔ teku to a? Ama menyi ere ta keji asheŋ nɛ amo be ekpa so ŋ kilgi kɔrtɔ nseŋ ta ekpa niŋiso malɛ ŋ ki ekpa kɔnto.

Ashuŋ Shunso 8:23

Ŋkpal manɛ so, n wu yurkishi lubi ka bɔlɔ fo to nɛ alubi nyaŋ fo kpakpa a wɔtɔ.”

Romebi 1:31

B maŋ nyi asheŋ, bumo alɛ maŋ naa bɛ bumo be nnɔ so ŋko a wu kuwɔr nsaa maa la basa.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

2 Timoti 3:3

Basa maaŋ ba kaa kɔ kasha nseŋ lar kuwɔr to nsaa kɔ efɛ be eshɛda. Baaŋ ba kaa wɔtɔ a diewu, bumo alɛ nsaa la basa ŋana so nseŋ ba kaa kishi kelela be yiri kikɛ.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.