Hoziya 10:13 - EBƆRƐ BE KAWƆL

¹³ Ama men duu kulubi nseŋ nya kumo be kakɔka. Men ji menyi be kafule be tɔnɔ. Ŋkpal men ka ta men be yirda n deŋi menyi gbagba be eleŋ nɛ benapo damta nɛ men kɔ na so,

Hoziya 10:13 Iomraidhean Croise

Job be kawɔl 4:8

Kusɔ nɛ ma ere nyi e la fanɛ basa nɛ baa du kulubi bumo be amu to nɛ k bee kɔr.

Nshɛ 33:16

Mannɛ ewura be benapo be eleŋ so, nɛ e bee tiŋ a kɔ a pɔɔ so. Mannɛ benapo gba be eleŋ so, nɛ baa tiŋ a kɔ kena a pɔɔ so.

Nshɛ 52:7

“Men keni basa nɛ b kini keta bumo be yirda n deŋi Ebɔrɛ so, nseŋ ta bumo be yirda n deŋi bumo be kedamaya nɛ asheŋ lubi be kewora so na.”

Nshɛ 62:10

Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Aŋasa 1:31

Amoso feeŋ ji kusɔ nɛ fo du na be asɔrso, nɛ fo gbagba be aworbi e kilgi a bishi fo.

Aŋasa 12:19

Efɛ maa chɛr nsaa fo ekar, ama kashenteŋ bre wɔtɔ nna mbaanaayɔ.

Aŋasa 13:2

Basa lela be mmalga e naa ka bumo kukɔ, basa lubi bre be kusɔ nɛ baa sha e la kebaa tintiŋ basa a wɔtɔ alubi be kewora to.

Aŋasa 19:5

Efɛ be shɛdajipo ashi demujikpa maaŋ ta mbe kumu n ji nɛ e maŋ nya kasogberge.

Aŋasa 22:8

Bekama nɛ baa duu alubi beeŋ nya amo be tɔnɔ. Bumo be agbo lubi e naŋ yɛr bumo kemur to.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Aizaaya 17:11

Ama nɛ aduuso na kɔr n daŋ nseŋ purge kachɛ nɛ men duu amo na kikɛ gba, men kraa maaŋ teŋi shɛŋ amo so, ama etɔrɔ nɛ ebesa nɛ a maaŋ ku nɛ menyeeŋ nya.

Hoziya 11:12

Enyɛnpe Ebɔrɛ yɛ: “Israɛl be basa ta efɛ nɛ kafule nna ŋ kulti ma, nɛ Juda malɛ be basa kini kenu n sa ma nɛ n la kashenteŋ be Ebɔrɛ nsaa du cheembi na.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 4:8

Alubi nɛ ma basa bee wora na so nɛ menyeeŋ bɔla n dii dama. Amoso nɛ men shin nɛ baa wora alubi a ti so saŋkama na.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

1 Samuɛl 24:14

Wanɛ e la ma alɛ, kujɔnɔmu fuloŋ nɛ kejaŋjaŋkɔrso, nɛ Israɛl be ewura ju a buu ma so a fin ma nɛ e mɔ le ere?