Hoziya 10:10 - EBƆRƐ BE KAWƆL

¹⁰ Meeŋ ya kɔ basa lubi ere kena nseŋ gberge bumo kusoe. Efuli pɔtɛana beeŋ wora kɔnɔkoŋwule ŋ kɔ bumo kena nseŋ gberge bumo kusoe ŋkpal bumo be alubi damta so.

Hoziya 10:10 Iomraidhean Croise

1 Bewura 12:28

E ka fɛ loŋ n loge, nɛ e ta shuwa n lɔŋɛ egbolu fɔlbi anyɔ nseŋ kaŋɛ mbe basa na le: “Menyi be kebaayɔ Jerusalɛm n ya ka bunyaŋ Enyɛnpe Ebɔrɛ na wora kufɔ ga. Israɛlebi menyi be agbir nɛ a lara men nananyɛnana ashi Ijipt be kasawule so na nde!”

Job be kawɔl 39:10

Feeŋ tiŋ n ta kubɔ to be kebarga n wɔtɔ kumo n shin nɛ k dɔ a? Ŋko n shin nɛ k gberge katekpa m pumpuŋ kudɔ to a?

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 21:4

b ya kaŋɛ mo fanɛ kusɔ nɛ Enyɛnpe, Israɛl be Ebɔrɛ na kaŋɛ nde: “Zɛdikaya, meeŋ shin nɛ Babilɔn be ewura nɛ mbe benapo e kɔ m pɔɔ fo benapo so. Ma alɛ beeŋ naŋ gama fo benapo na be akɔsɔ n deŋi abar so ashi kadegboŋ na be nferinto.

Ezikɛl 16:37

meeŋ gama fo jipoana nɛ fee sha nɛ bumo nɛ fo kishi kikɛ abar so. Nseŋ shin nɛ b yili ŋ kulti fo nɛ n delge fo so bumo kikɛ be anishito nɛ b wu fo kayurkpaŋ.

Ezikɛl 16:42

Aloŋ nɛ ma agbo beeŋ wushi nɛ ma kagbene e dese ma nɛ m maaŋ naŋ nya agbo ŋko ŋ kɔ kukɔrkɔ.

Ezikɛl 23:46

“Amoso kusɔ nɛ Enyɛnpetale Ebɔrɛ na bee kaŋɛ e la fanɛ, meeŋ shin nɛ jimaŋ nɛ b nya agbo e ba tɔrɔ bumo nɛ kufugboŋ e pɛ bumo nɛ b suge bumo be asɔ n ti so.

Ezikɛl 23:9

Amoso nɛ n kini mo n sa mo jipoana nɛ e daa sha ga ashi Asiriya be efuli so na.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Hoziya 4:19

Kawuliwuli beeŋ ta bumo n choŋ nɛ anishinyɔr e pɛ bumo ŋkpal b ka bee lara esarga a sa agbir so.

Hoziya 4:9

Menyeeŋ nya kasogberge nɛ basa na beeŋ nya na gbagba. Meeŋ gberge menyi kusoe ŋkpal alubi nɛ menyee wora na so.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Hoziya 8:10

Ama meeŋ bar menyi abar so m ba gberge menyi kusoe. Kumo alɛ maaŋ chɛr nɛ Asiriya be efuli so be ewurgboŋ na e mɛaŋ menyi ga nɛ men luri ebesa to.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.

Ditɛronɔmi 28:63

Enyɛnpe Ebɔrɛ na fuli kagbene nna n shin nɛ asheŋ bee nite nɛnɛ a sa menyi nseŋ shin nɛ men wora keshi n ti so. Ama nɛ men kini kewora mo kasonu, kumo ere e maaŋ naŋ tiŋ n wora shɛŋ, ama kemur menyi ashi kasawule nɛ menyee yɔ nɛ men ya chena so na.