Hoziya 1:4 - EBƆRƐ BE KAWƆL

⁴ Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Hoziya 1:4 Iomraidhean Croise

2 Bewura 10:1

Ewura Ahab be kaman to ebi be basa adushunu e daa wɔ Samɛria be kade to. Ndoŋ nna nɛ Jehu sibɛ kawɔl n sa kade na be ekrachi nɛ benimuana nɛ Ahab be kaman to ebi nɛ basa nɛ baa keni Ahab be mbia so. Kananɛ b daŋ sibɛ kawɔl na nde:

2 Bewura 10:17

B ka fo Samɛria na, nɛ Jehu mɔ Ahab mo kurgepoana kikɛ. E daa maŋ shin nɛ bumo be ekoŋwule gba ji efute. Kusɔ nɛ Enyɛnpe Ebɔrɛ bɔla anebi Elaija so ŋ kaŋɛ na daŋ bɔlɔ so nna kashenteŋto.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 15:8

Juda be ewura Uziya be kuwura be kafɛ adesa nɛ aburwasopo to nɛ ewura Jeroboam nyɔsopo pibinyɛn Zakareya ki Israɛl be ewura nseŋ ji kuwura ashi Samɛria to afɔl ashe nawule.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 8:3

Kedaŋ maŋ chɛr ko nɛ ma eche di kedampo. E ka kurge an pibinyɛn nɛ Enyɛnpe Ebɔrɛ na kaŋɛ le: “Nase mbe ketre ‘NYA MANAŊ N FUU ASƆ, NYA MANAŊ Ŋ KƆ N SUGE ASƆ.’ Ŋkpal manɛ so,

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 20:3

Kumo be ŋklade kachipurso, nɛ bɔrɛmatapo Pashɔ shin nɛ b saŋɛ ŋgbɛlɛbi na ashi ma so, nɛ ŋ kaŋɛ mo le: “Enyɛnpe Ebɔrɛ na daa maŋ nase fo ketre Pashɔ, ama Magɔ Missabib nɛ e ta n nase fo ketre; kumo be kifito e la Kebaaŋana kufu kusɔ kama to.

Jɛremaya 23:2

Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Ezikɛl 23:10

Ndoŋ nna nɛ bumo alɛ delge mo so kesaria nseŋ pɛ mbe mbia n yɔ. Kumo be kaman nɛ b mɔ mo gbagba nɛ kaplɛkama be beche bee kuli Ohola ŋkpal kusɔ nɛ k nya mo so.

Ezikɛl 23:31

Fo daŋ bɔla ekpa nɛ fo da, Ohola nɛ e yili n sa kade nɛ baa tre Samɛria na, bɔla so na nna, amoso kasogberge nɛ e nya na nɛ fo alɛ gba beeŋ nya.

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Hoziya 1:9

Ndoŋ nna nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ammi. Kumo be kifito e la fanɛ b maŋ naa la ma basa. Ŋkpal manɛ so, Israɛl be basa na maŋ naa la ma basa, nɛ ma alɛ gba maŋ naa la bumo be Ebɔrɛ.”

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Hoziya 2:22

Nɛ aboyu nɛ asɔrso nɛ baa tre greep na nɛ ɔlif kikɛ e wora ashi Jizreel be ketaŋɛ na to.

Hoziya 9:17

Ebɔrɛ nɛ mee shuŋ na beeŋ kini mo gbagba be basa ŋkpal b ka kini kenu n sa mo so. Baaŋ baa na a kilgi to ashi efuli pɔtɛana so nna fanɛ basa nɛ b maŋ kɔ epe na.

Eemɔs 9:8

Ma Enyɛnpetale na bee wu kulubi nɛ Israɛl be efuli na bee wora, ma alɛ beeŋ mur bumo ashi kasawule ere so. Ama ŋkpal bumo nananyɛn Jeekɔb so meeŋ yige bumo be basa gbrɛbi.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Luuk 1:13

Nɛ malaika na kaŋɛ mo: “Zakareya, sa maa lɔ kufu. Ebɔrɛ nu fo kekule na, amoso, fo eche Elizabɛt beeŋ kurge fo ebinyɛn nɛ men nase mo ketre Jɔn.

Luuk 1:31

Feeŋ di kedampo ŋ kurge ebinyɛn n nase mo ketre Yesu.

Luuk 1:63

Nɛ Zakareya ŋini n shin nɛ b bar mo kusɔ sibɛso nɛ e sibɛ ŋ kaŋɛ: “Mbe ketre e la Jɔn.” Nɛ k chinchiŋ bumo ga.

Baru lela nɛ Jɔn kute na 1:42

Kumo be kaman nɛ e bar Saimɔn Yesu kutɔ nɛ mo alɛ keni Saimɔn nseŋ kaŋɛ le: “Fo e la Saimɔn nɛ fo tuto bee ji Jɔn na ŋko? Naniere baaŋ baa tre fo Sifas.” Kumo be kifito e la kefalta nɛ kumo koŋwule na la Pita.

Joshuwa 19:18

Nde nɛ a daa wɔ bumo kasawule na so e la: Jizreel nɛ Kesullɔf nɛ Shunɛm nɛ