Hoziya 1:11 - EBƆRƐ BE KAWƆL

¹¹ Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.

Hoziya 1:11 Iomraidhean Croise

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Jɛremaya 30:21

Ma basa be ejuŋkparpo beeŋ shi bumo be efuli so nna, nɛ bumo be ewura e shi bumo gbagba be basa to. Nɛ m baŋ teŋi enɔ n tre mo e beeŋ ba ma kutɔ, ŋkpal manɛ so, esa kikɛ maŋ tiŋ m ba ma kutɔ nɛ m maŋ tre mo. Baaŋ baa la ma basa, nɛ ma alɛ e baa la bumo be Ebɔrɛ. Ma, Enyɛnpe Ebɔrɛ e kaŋɛ na.”

Jɛremaya 30:3

ŋkpal manɛ so, jemanɛ ko bee ba nɛ n naaŋ shin nɛ ma basa nɛ b shi Juda nɛ Israɛl be kuwurgboŋ nɛ k wɔ kelargato be esoso be kaba so na so kikɛ e bɛta m ba kasawule nɛ n ta n sa bumo nanaana na so, n naŋ ba sɔ kumo ŋ ki bumo peya. Ma, Enyɛnpe Ebɔrɛ e kaŋɛ na.”

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:37

Kachako meeŋ gama basa na abar so ashi efuli pɔtɛana nɛ n daŋ nya agbo ga nseŋ daŋ pesaŋ bumo to n yɔ amo so na n naŋ m bɛta bumo m ba nfe nɛ b baa ka wɔtɔ nɛ shɛŋ maŋ naa tɔrɔ bumo.

Jɛremaya 50:19

Ama meeŋ naŋ bɛta Israɛl be basa na m ba bumo be kasawule so. Baaŋ dɔ adɔjibi kama nɛ baa sha ashi Kaamɛl be kebee nɛ k mata Mɛditerenia be Teku na nɛ Bashan be kebonfu nɛ k wɔ Jɔɔdan be lɔr na be epeŋilarkpa be kaba so na nɛ Efrayim nɛ Giliad be apreŋsawule so n ji kanaŋkama nɛ baa sha.

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Hoziya 2:1

Amoso tre fo braana Israɛlebi, Ebɔrɛ be basa nɛ basa nɛ Enyɛnpe Ebɔrɛ bee sha.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Romebi 11:15

Ŋkpal manɛ so, Ebɔrɛ ka daŋ kini bumo na so, durnyaebi nɛ b ka na nɛ Ebɔrɛ daŋ ba abar so nna. To, nɛ naniere Ebɔrɛ naŋ sɔ bumo, nuso nɛ asheŋ beeŋ baa du? Kumo ere bubuni beeŋ nya ŋkpa nna na.