Hibruwebi 7:3 - EBƆRƐ BE KAWƆL

³ Esa maŋ nyi mo nio nɛ mo tuto be asheŋ ŋko mbe kanaŋ to be asheŋ. Esa malɛ maŋ naa nyi mbe kakurgeachɛ be jemanɛ ŋko saŋɛ mo nɛ e wu. E du fanɛ Ebɔrɛ Pibinyɛn nna a la bɔrɛmatapo mo nɛ e wɔtɔ mbaanaayɔ.

Hibruwebi 7:3 Iomraidhean Croise

Ɛksodɔs 6:18

Kohaf malɛ be mbinyɛnsobi be atre e daa la Amram nɛ Ishar nɛ Hebron nɛ Uziɛl. Kohaf daŋ ji nfɛ kalfa nɛ adesa nɛ asa nna pɔɛŋ nseŋ wu.

Nɔmbɛs 1:18

n tre Israɛlebi kikɛ n shɛr n shin nɛ b ŋini mbuna mbuna nɛ nnaŋ nɛ b shi to nɛ b sibɛ benyɛn nɛ b fo nfɛ adunyɔ ŋko m baŋ so na kikɛ be atre kukoko to.

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 7:1

Mɛlkizedɛk nɛ anyee malga mbe asheŋ ere daa la Seelɛm be ewura nna nseŋ daŋ naa la Enyɛnpetale Ebɔrɛ be bɔrɛmatapo. Kachako Eebraham ya mɔ bewura ko ashi kena to nseŋ bɛta a yɔ epe nɛ Mɛlkizedɛk ya tu mo ekpa to nseŋ nɛfa mo.

Hibruwebi 7:17

Ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ Yesu fanɛ: “Feeŋ baa la bɔrɛmatapo mbaanaayɔ Mɛlkizedɛk be ekpa so.”

Hibruwebi 7:2

Ndoŋ nna nɛ Eebraham sa Mɛlkizedɛk kusɔ kama nɛ e daŋ nya na be kudukudusopo. Kusɔ nɛ k juŋkpar Mɛlkizedɛk be asheŋ to e la fanɛ mbe ketre be kifito e la Ebɔrɛ be anishito be alelasheŋ be ewura. Kede malɛ be kaman Seelɛm be ewura e la mo, kumo e la fanɛ kagbenewushi be ewura.

Hibruwebi 7:6

Mɛlkizedɛk daa maŋ shi Livai be kanaŋ to, ama mo alɛ daŋ sɔ asɔ be kudukudusopo ashi Eebraham kutɔ nseŋ nɛfa mo Eebraham koŋwule nɛ Ebɔrɛ ta mbe nnɔ naseso n sa na.