Hibruwebi 4:2 - EBƆRƐ BE KAWƆL

² Ŋkpal manɛ so, kananɛ baru lela na daŋ ba anyi to nɛ an nu kumo na gbagba na nɛ bumo alɛ gba daŋ nya kumo. Ama kumo alɛ daa maŋ wora bumo shɛŋ, ŋkpal manɛ so, b ka daŋ nu kumo na, b daa maŋ ta yirda n sɔ kumo.

Hibruwebi 4:2 Iomraidhean Croise

Ashuŋ Shunso 13:46

Ama Pɔɔl nɛ Baanabas daŋ kplaŋ bumo so nna nsaa malga kenyɛnso a kaŋɛ: “Menyi nɛ b daŋ yili kumo fanɛ b fara m malga Ebɔrɛ be kamalga na n sa, ama men ka kini kumo nsaa ta menyi be amu fanɛ men maŋ daga Ebɔrɛ be ŋkpa nɛ k maŋ kɔ ekar na bre so, anyeeŋ yige menyi nseŋ yɔ nnyamase kutɔ.

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Romebi 2:25

Nɛ fee bɛ mbra na be kɔnɔ so nseŋ ku kututu, kumo ere fo keku na kɔ kifi, ama nɛ fo maa bɛ mbra na be kɔnɔ so nseŋ ku kututu, kenyanyaŋɛso nɛ fo ku na.

Romebi 3:3

Ama nɛ bumo be beko malɛ kini kebugi epunto n sa Ebɔrɛ ai? Loŋ beeŋ tiŋ n shin nɛ Ebɔrɛ malɛ e ki kɔnɔleŋiwura a?

1 Kɔrintebi 13:3

Nɛ m baa tiŋ a ta kusɔ nɛ ŋ kɔ a kɛ basa ŋkaa beeŋ naŋ tiŋ n ta ma eyur n sa fanɛ b chɔɔ edɛ ŋkpal ma yirda so, ma alɛ ŋkaa maa kɔ kasha bre, kumo ere m maŋ nya tɔnɔ kikɛ.

Galeeshaebi 3:2

Kusɔ koŋwule nɛ m baa sha kebishi menyi nde: Men ka daŋ nya Ebɔrɛ be Kiyoyu na, mbra na so nɛ men daŋ bɛ so n nya Kiyoyu na ŋko baru lela na nɛ men daŋ nu nseŋ yirda pɔɛŋ n nya Kiyoyu na a?

Galeeshaebi 3:8

Abɔrɛsibɛ na malɛ wu kumo nna n yili fanɛ Ebɔrɛ ka beeŋ kpal nnyamase be yirda so n shin nɛ b ji n lar mbe anishito so so nseŋ wule m bɔ baru lela na n sa Eebraham fanɛ: “Fo so nɛ Ebɔrɛ beeŋ bɔla n nɛfa durnya ere to ebi kikɛ.”

Galeeshaebi 4:13

Men nyi fanɛ kulɔ ka daŋ pɔɔ ma so so e shin nɛ m bɔ baru lela na n sa menyi sososo na.

Ditɛronɔmi 1:32

Ama asheŋ nɛ ŋ kaŋɛ menyi na kikɛ be kaman, men kraa maŋ bɛ Enyɛnpe Ebɔrɛ

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 4:6

Bumo nɛ b daŋ fara n nu baru lela na daa maŋ luri kewushi na to ŋkpal b ka daa maŋ kɔ kasonu so, ama basa ko kraa wɔtɔ nɛ b nya kewushi na to n luri.

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.