Hibruwebi 2:4 - EBƆRƐ BE KAWƆL

⁴ Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.

Hibruwebi 2:4 Iomraidhean Croise

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Maak 6:14

Ewura Hɛrɔd daŋ nu asheŋ ere kikɛ ŋkpal Yesu be ketre ka sɔ kaplɛkama so. Nɛ beko kaŋɛ: “Jɔn kabɔrɛbɛrpo e naŋ tiŋi luwu to m ba na. Amoso nɛ e kɔ le be eleŋ mo to a wora asheŋ loŋ na.”

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 4:48

Nɛ Yesu kaŋɛ mo le: “Nɛ men be ekama baa maŋ wu mamachi be etɔɔnɛsheŋ, men maa yirda kikɛ.”

Ashuŋ Shunso 14:3

Beshuŋipo na daŋ chɛr ndoŋ ga a malga Enyɛnpe na be asheŋ kenyɛnso, nɛ e sa bumo eleŋ nɛ b wora emamachisheŋ nɛ Ebɔrɛ be etɔɔnɛsheŋ damta ŋ ŋini fanɛ bumo be kubɔya nɛ k bee kute mbe kuwɔr be kakɛ na be asheŋ na la kashenteŋ nna.

Ashuŋ Shunso 4:10

To, menyi kikɛ nɛ Israɛlebi kikɛ baa nyi fanɛ Nazarɛt be Yesu Kristo nɛ men gbir m mata kedibi largato so m mɔ na nɛ Ebɔrɛ shin nɛ e tiŋi luwu na to na be ketre be eleŋ to so nɛ kanyɛn ere nya alenfia mo kikɛ nyam a yil menyi be anishito le ere na.

Ashuŋ Shunso 5:32

Amo be eshɛdajipo e la anyi nɛ Kiyoyu Cheeŋ nɛ e la Ebɔrɛ be kakɛ nɛ e kɔ a sa bekama nɛ baa nu a sa mo na.”

Ɛfesesebi 1:5

Ŋkpal mbe kasha so, mo ere Ebɔrɛ na yili kumo nna dra dra na kikɛ fanɛ e beeŋ bɔla Yesu Kristo to m bar anyi mo gbagba kutɔ fanɛ mbe mbia. Kusɔ nɛ k baa par mo nseŋ naa la kusɔ nɛ e yili nna na.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 4:7

Kashenteŋ nna fanɛ e wɔ anyi kikɛ to, ama e sa anyi be ekama kuwɔr be kakɛ nɛ k sa fanɛ kananɛ Kristo na yili kumo fanɛ k baa sa na.

Hibruwebi 6:4

Ama basa nɛ b daŋ bar kefulto na to nɛ b ba ji ebɔrɛso be kakɛ na be ebel ŋ keni na nseŋ nya bumo be kachige ashi Kiyoyu Cheeŋ na to pɔɛŋ nseŋ foe ekpa na bre be kenaŋ bɛta m ba Ebɔrɛ kutɔ maaŋ tiŋ n wora kikɛ.