Hibruwebi 2:3 - EBƆRƐ BE KAWƆL

³ To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 2:3 Iomraidhean Croise

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 20:6

Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Aizaaya 62:11

Kusɔ nɛ Enyɛnpe Ebɔrɛ na bee kaŋɛ nsaa sha fanɛ durnya to be basa kikɛ e nu nde: “Kaŋɛ basa nɛ b wɔ Jerusalɛm to fanɛ Enyɛnpe Ebɔrɛ na bee ba nɛ e ba mɔlga bumo. Men keni, basa nɛ e sɔ n yige na nɛ e kɔ a ba.”

Ezikɛl 17:15

Ama ewura popɔr nɛ Babilɔn be ewurgboŋ lara na pal kaman n sa mo nseŋ shuŋi mbɔ Ijipt be efuli so a fin egbaŋɛ nɛ benapo damta. Fo tama fanɛ ewura ere beeŋ ji n lar kusɔ nɛ e bee wora ere to a? E maaŋ tiŋ n lar kɔnɔkoŋwule be ŋkre na kaman nsaa maŋ nya kumo be kasogberge!”

Ezikɛl 17:18

Juda be ewura gbagba e wora n da mbe ntaŋ so nseŋ lar kɔnɔkoŋwule be ŋkre nɛ mo nɛ Babilɔn be ewurgboŋ kre na kaman, ŋkpal loŋ so, e beeŋ nya kasogberge.

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Matiu 4:17

Yili jemanɛ na so a yɔ nɛ Yesu fara a bɔ mbe kubɔya a kaŋɛ le: “Men lar menyi be alubi to, ŋkpal manɛ so, ebɔrɛso be kuwura na taga to.”

Maak 1:14

B ka ti Jɔn ebu na be kaman nɛ Yesu yɔ Galili be kasawule so n ya malga Ebɔrɛ be baru lela na. E yɛ:

Luuk 1:2

nɛ bumo gbagba wu asheŋ nɛ a wora anyi to na kikɛ nsaa bɔ kubɔya na ka bɔ amo be kubɔya n sa anyi. Basa damta malɛ teŋ wora ania n sibɛ amo n nase.

Luuk 1:69

E sa anyi Emɔlgapo lempo nɛ e shi Deevid mbe kenya be kanaŋ to.

Luuk 24:19

Nɛ e bishi bumo: “Manɛ be asheŋ?” Nɛ b kaŋɛ mo: “Nazarɛt be Yesu na be asheŋ. E daa la anebi nna nɛ mbe mmalga nɛ asheŋ woraso daa la asheŋgboŋ ashi Ebɔrɛ nɛ basa kikɛ be anishito.

Baru lela nɛ Jɔn kute na 15:27

Ama a daga fanɛ menyi alɛ gba ka ji shɛda na, ŋkpal manɛ so, ma nɛ menyi e baa la sososo na kikɛ.”

Ashuŋ Shunso 1:22

A daga fanɛ e baa la basa nɛ anyi nɛ bumo daa la saŋkama, saŋɛ nɛ anyi nɛ Yesu daa wɔtɔ, yili saŋɛ nɛ Jɔn daa malga mbe kabɔrɛbɛr be asheŋ na n ya fo kachɛ nɛ Ebɔrɛ shin nɛ Yesu lar anyi kutɔ n yɔ ebɔrɛso na be eko.”

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

Romebi 2:3

Ama fo ere dimɛdi, asheŋ nɛ fo kɔ a wu basa kulubi ere gbagba nɛ fee wora, amoso, fee tama fanɛ feeŋ nya ŋ gelge Ebɔrɛ be demuji to a?

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

1 Timoti 1:15

Le be kamalga ere la kashenteŋ nna, kumo alɛ maŋ kɔ emɔrɔ kikɛ fanɛ: Kristo Yesu ba durnya to nna nɛ e ba mɔlga basa ashi bumo be alubi to, ma alɛ be alubi e shi a chɔ ekama peya.

Taites 2:11

Ŋkpal manɛ so, Ebɔrɛ shin nɛ mbe kuwɔr be kakɛ nɛ k bee bar kumɔlga basa kikɛ so na lar efuli.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Jɔn 1:1

Yesu Kristo nɛ baa tre Kamalga nɛ k bee sa ŋkpa nsaa wɔtɔ durnya be sososo kikɛ na be asheŋ nɛ anyee sibɛ a sa menyi na. E malga nɛ an nu nseŋ wu mo kenishiso ŋ keni mo nseŋ ta an be enɔana m beta mo.

Juud 1:17

Ama menyi ere, n teri lelaana, men baa nyi asɔ nɛ an Nyɛnpe Yesu Kristo be beshuŋipoana na daŋ kaŋɛ fanɛ a beeŋ wora na.

Kelaraŋŋini 7:10

Nɛ b boŋ to awɔrso ŋ kaŋɛ le: “Kumɔlga kikɛ shi an be Ebɔrɛ nɛ e tase mbe kuwurputi so nɛ Kpakpafɔlbi na kutɔ nna.”