Hibruwebi 2:10 - EBƆRƐ BE KAWƆL

¹⁰ Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

Hibruwebi 2:10 Iomraidhean Croise

Romebi 11:36

Ŋkpal manɛ so, mo e pɔr kusɔ kikɛ, mo alɛ to nɛ kusɔ kikɛ bɔla a wɔ ŋkpa to a sa mo. Kemaŋkura e baa wɔ Ebɔrɛ so mbaanaayɔ. Amɛn.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 6:20

Ndoŋ nɛ Kristo kpal anyi so n juŋkpar anyi n ya kaa wɔ na. Mo koŋwule na e ki bɔrɛmatapo nimuso ashi Mɛlkizedɛk be ekpa so.

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

Luuk 24:46

nseŋ kaŋɛ bumo le: “Abɔrɛsibɛ na bee kaŋɛ fanɛ a daga fanɛ Kristo na ka ji awurfoŋ n wu,

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Kɔrintebi 8:6

ama anyi ere kutɔ Ebɔrɛ koŋwule e baa wɔtɔ, mo e la Etuto mo nɛ kusɔ kikɛ shi mo kutɔ, mo alɛ so nɛ an wɔtɔ na. Enyɛnpe koŋwule, Yesu Kristo na malɛ e wɔtɔ, mo nɛ Ebɔrɛ bɔla mo so n to kusɔ kikɛ mo alɛ nsaa sa anyi ŋkpa na.

Hibruwebi 7:28

Basa nɛ asheŋ ere gben bumo nɛ mbra na bre daa lara nɛ baa ki bɔrɛmatapo nimusoana. Ebɔrɛ be ntaŋ nɛ k bɛ mbra na so m ba na bre lara Ebinyɛn nɛ e ki cheembi mbaanaayɔ na nna.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Kɔlɔsiebi 3:4

Amoso, saŋɛ nɛ Yesu Kristo nɛ e la an be ŋkpa na kaŋ lara mbe kumu ŋ ŋini durnya na, menyi alɛ gba beeŋ lar n nya mbe kemaŋkura.

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Aŋasa 16:4

Enyɛnpe Ebɔrɛ e nyi kusɔ so so nɛ e lɔŋɛ kusɔ kama nɛ e lɔŋɛ; E wora belubiworapo gba nna a jo bumo be kemur be kachɛ.

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Ɛfesesebi 2:7

E wora loŋ nna nɛ e ŋini jemanɛ kama nɛ k bee ba to ebi fanɛ kananɛ e ta mbe kuwɔr be kakɛgboŋ damtaana nɛ e bɔla mbe kasha so n sa anyi na ŋ kɛ anyi ashi Kristo Yesu to.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

2 Kɔrintebi 5:18

Le be asheŋ ere malɛ kikɛ shi Ebɔrɛ nɛ e bɔla Kristo so n shin nɛ anyi nɛ mo ere Ebɔrɛ naŋ nyalɛ nseŋ ta mo nɛ basa be kenyalɛ be kushuŋ m bɔɔ anyi enɔ na kutɔ nna.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

1 Kɔrintebi 2:7

Kanyiasheŋ mo nɛ anyee malga kumo be asheŋ ere la Ebɔrɛ be wulo be kanyiasheŋ nna nɛ k daŋ ŋana basa so. Ama pɔɛŋ nɛ Ebɔrɛ to durnya ere, e yili asheŋ ere nna, saŋɛ na so anyeeŋ tu mo n luri mbe kemaŋkura to.

Baru lela nɛ Jɔn kute na 19:30

Yesu ka pipe nsa nyannyanso na nɛ e kaŋɛ: “Asheŋ loge.” E ka kaŋɛ le ere n loge nɛ e kur mbe kumu n yuu nseŋ wu.

Baru lela nɛ Jɔn kute na 11:52

Mannɛ bumo nɛ b daa wɔ efuli na so na nawule gba, ama e daa shin nɛ e wu n sa Ebɔrɛ be mbia nɛ b daŋ pesaŋ to a wɔ mboŋ pɔtɛana na kikɛ gba, saŋɛ na so e beeŋ bar bumo abar so n shin nɛ b ba ki kukoŋwule.

Luuk 13:32

Nɛ Yesu kaŋɛ bumo: “Men ya kaŋɛ kuntuŋ na le: ‘Keni ma, Yesu, bee ju mbuibi lubi basa to nsaa chɛ alɔana, kabre nɛ echefo nɛ n loge kushuŋ na kachɛ sasopo to.’

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Maika 2:13

Meeŋ bugi ekpa n sa ma basa nseŋ juŋkpar bumo n lar kenyaya nɛ b wɔtɔ ashi efuli pɔtɛana so m ba ki bumo be ewura.”

Hoziya 8:10

Ama meeŋ bar menyi abar so m ba gberge menyi kusoe. Kumo alɛ maaŋ chɛr nɛ Asiriya be efuli so be ewurgboŋ na e mɛaŋ menyi ga nɛ men luri ebesa to.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Aizaaya 43:21

B la basa nɛ n to bumo n sa ma kumu nna, nɛ b baa boŋ nshɛ a kpaŋ ma!”

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”